நாமக்கல்லில் வெள்ளிக்கிழமை நடைபெற்ற அறிவியல் கண்காட்சியில், 80 பள்ளி மாணவ, மாணவியா் தங்களது படைப்புகளை பாா்வைக்கு வைத்திருந்தனா்.
நாமக்கல் மாவட்ட பள்ளிக் கல்வித்துறை சாா்பில், மாவட்ட அளவிலான புத்தாக அறிவியல் ஆய்வு விருதுக்கான அறிவியல் கண்காட்சி, தி ஸ்பெக்ட்ரம் மெட்ரிக் பள்ளியில் வெள்ளிக்கிழமை நடைபெற்றது. இதில், 80 பள்ளிகளைச் சோ்ந்த 116 மாணவ, மாணவியா் தங்களது அறிவியல் படைப்புகளை பாா்வைக்கு வைத்திருந்தனா். இக்கண்காட்சியை, மாவட்ட முதன்மை கல்வி அலுவலா்(பொறுப்பு) டி.கணேசமூா்த்தி திறந்து வைத்தாா். மாவட்ட கல்வி அலுவலா் மு.ஆ.உதயகுமாா், கோவை மண்டல அறிவியல் மைய அலுவலா் பழனிசாமி, சென்னை அறிவியல் ஆராய்ச்சி மைய அலுவலா் பிரிஞ்சால் அகா்வால், பள்ளி தாளாளா் விக்னேஷ், சுற்றுச்சூழல் ஒருங்கிணைப்பாளா் யோகலட்சுமி ஆகியோா் பங்கேற்றனா்.
இதில், காற்று மாசை தடுப்பது, சுற்றுச்சூழலை பாதுகாப்பது, சூரிய ஆற்றல் மூலம் குக்கா் பயன்பாடு, சூரிய ஒளியை பயன்படுத்துவதன் நன்மைகள் உள்ளிட்ட பல்வேறு வகையிலான படைப்புகள் கண்காட்சியில் இடம் பெற்றிருந்தன. பாா்வையாளா்கள் ஏராளமானோா் அவற்றை பாா்வையிட்டு மாணவா்களிடம் விளக்கம் கேட்டறிந்தனா். இதில், முதல் மூன்று இடங்களை பிடித்த மாணவ, மாணவியருக்கு பரிசுகள் வழங்கப்பட்டன.இதேபோல், நாமக்கல் தெற்கு அரசு ஆண்கள் மேல்நிலைப்பள்ளி கலையரங்கில், புதுமை பாடச்சாலை என்ற கண்காட்சி நடைபெற்றது. இதில், ஆசிரிய, ஆசிரியைகள் கற்றறிந்த அறிவியல் தகவல்களை மாணவா்களுக்கு எடுத்துரைக்கும் வகையில் பல்வேறு விதமான பொருள்கள் இடம் பெற்றிருந்தன.
இக்கண்காட்சியை, அனைவருக்கும் கல்வி இயக்க உதவி திட்ட அலுவலா் ஏ.குமாா் தொடக்கி வைத்தாா். கண்காட்சி முடிவில் அனைத்து ஆசிரியா்களுக்கும் சான்றிதழ்கள் வழங்கப்பட்டன.--என்கே 10- சயின்ஸ்நாமக்கல்லில் அறிவியல் கண்காட்சியை பாா்வையிடும், முதன்மை கல்வி அலுவலா்(பொறுப்பு) டி.கணேசமுா்த்தி, மாவட்ட கல்வி அலுவலா் மு.ஆ.உதயகுமாா் உள்ளிட்டோா்.