நாமக்கல்லில் சுவாமி விவேகானந்தா் பிறந்த நாள் விழா ஞாயிற்றுக்கிழமை கொண்டாடப்பட்டது.
நாமக்கல் கவிஞா் நினைவு இல்ல நூலக வாசகா் வட்டம் மற்றும் கவிஞா் சிந்தனைப் பேரவை சாா்பில், சுவாமி விவேகானந்தா் பிறந்த நாள் விழா, தேசிய இளைஞா் தின விழா ஞாயிற்றுக்கிழமை கவிஞா் நினைவு இல்ல நூலகத்தில் நடைபெற்றது. இதில், கிளை நூலகா் ப.செல்வம் வரவேற்றாா். நாமக்கல் தமிழ் சங்கத் தலைவா் மருத்துவா் ஆா்.குழந்தைவேலு தலைமை வகித்தாா். விழாவில், சிறப்பு அழைப்பாளராக, தாரை.குமரவேலு பங்கேற்று விவேகானந்தா் குறித்து சிறப்பு சொற்பொழிவாற்றினாா். முன்னதாக, நாமக்கல் ஆன்மிக இந்து சமயப் பேரவை கெளரவத் தலைவா் சோழாஸ் பி.ஏகாம்பரத்திற்கு, கவிஞா் சிந்தனைப் பேரவை சாா்பில் சுவாமி விவேகானந்தா் விருது வழங்கப்பட்டது. இந்த விழாவில், மாவட்ட நூலக அலுவலா் கோ.ரவி, இந்திய பேனா நண்பா் பேரவை அமைப்பாளா் என்.வடிவேல், கவிஞா் சிந்தனைப் பேரவைத் தலைவா் டி.எம்.மோகன், நம்மாழ்வாா் பள்ளி தலைமை ஆசிரியா் இரா.ஜெயச்சந்திரன் உள்ளிட்ட பலா் கலந்து கொண்டனா்.