Enable Javscript for better performance
காதலியின் கழுத்தை அறுத்து கொலை செய்து சடலத்தை புதைத்த ஜோதிடா் கைது- Dinamani

சுடச்சுட

    

    காதலியின் கழுத்தை அறுத்து கொலை செய்து சடலத்தை புதைத்த ஜோதிடா் கைது

    By DIN  |   Published on : 15th January 2020 01:27 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருமணம் செய்து கொள்ள வற்புறுத்தியதற்காக, காதலியின் கழுத்தை அறுத்து கொலை செய்து, யாருக்கும் தெரியாமல் சடலத்தை புதைத்த ஜோதிடரை போலீஸாா் கைது செய்தனா்.

    நாமக்கல் மாவட்டம், திருச்செங்கோடு அருகே உள்ள ஆண்டிவலசு பகுதியைச் சோ்ந்தவா் ஜோதிடா் கந்தசாமி (50). இவரது மகள் வெள்ளையம்மாள்( 22). வெள்ளையம்மாளுக்கு கடந்த 2 ஆண்டுகளுக்கு முன்பு அப்பகுதியைச் சோ்ந்த கந்தசாமி என்பவருடன் திருமணமாகி, மூன்று மாதங்களிலேயே கணவன்-மனைவிக்குள் தகராறு ஏற்பட்டதையடுத்து, விவாகரத்து செய்துவிட்டு தந்தை கந்தசாமி வீட்டில் வசித்து வந்தாா்.

    இந்த நிலையில், சில மாதங்களுக்கு முன்பு கொசவம்பட்டி அன்னை சத்யா நகரைச் சோ்ந்த ஜோதிடா் முத்து (25) என்பவருடன் வெள்ளையம்மாளுக்கு பழக்கம் ஏற்பட்டுள்ளது. இந்த பழக்கத்தின் காரணமாக, முத்து வெள்ளையம்மாளிடமிருந்து அடிக்கடி செலவுக்கு பணம் பெற்று வந்துள்ளாா்.

    இந்த நிலையில், தன்னை திருமணம் செய்துகொள்ள முத்துவை வெள்ளையம்மாள் வற்புறுத்தவே, கடந்த 11-ஆம் தேதி வெள்ளையம்மாளை செல்லிடப்பேசியில் தொடா்பு கொண்ட முத்து அவரை திருச்சிக்கு வருமாறு கூறியுள்ளாா். அதைத் தொடா்ந்து, திருச்சி அருகில் உள்ள தொடையூா் என்ற பகுதியில் முத்துவை வெள்ளையம்மாள் சந்தித்துள்ளாா். அப்பகுதி ஆற்றங்கரையோரம் இருவரும் பேசிக் கொண்டிருந்த போது, இருவருக்கும் தகராறு ஏற்பட்டுள்ளது. இதில் கோபமடைந்த முத்து வெள்ளையம்மாளின் கழுத்தை அறுத்து கொலை செய்து விட்டு, ஆற்றங்கரையோரத்தில் குழிதோண்டி சடலத்தை புதைத்துள்ளாா்.

    அதனைத் தொடா்ந்து, வெள்ளையம்மாளை காணவில்லை என அவரது தந்தை கந்தசாமி திருச்செங்கோடு ஊரக போலீஸாரிடம் புகாா் அளித்துள்ளாா். அதன் அடிப்படையில், போலீஸாா் தீவிரமாக விசாரணை மேற்கொண்டு வந்தனா்.

    இந்த நிலையில், போலீஸ் விசாரணைக்கு பயந்த ஜோதிடா் முத்து, 13-ஆம் தேதி இரவு திருச்செங்கோடு தாசில்தாா் அலுவலகத்தில் சரணடைந்தாா். தாசில்தாா் கதிா்வேல், முத்துவை திருச்செங்கோடு ஊரக போலீஸாரிடம் ஒப்படைத்தாா். இதனையடுத்து போலீஸாா் வழக்குப் பதிவு செய்து முத்துவை கைது செய்தனா். அவரிடம் மேற்கொண்ட விசாரணையில் அடிப்படையில், வெள்ளையம்மாளின் சடலத்தை மீட்ட போலீஸாா், தொடா்ந்து விசாரணை நடத்தி வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai