Enable Javscript for better performance
செய்முறைத் தோ்வுப் பணி: அரசுப் பள்ளி ஆசிரியா்களை ஈடுபடுத்த வலியுறுத்தல்- Dinamani

சுடச்சுட

    

    செய்முறைத் தோ்வுப் பணி: அரசுப் பள்ளி ஆசிரியா்களை ஈடுபடுத்த வலியுறுத்தல்

    By DIN  |   Published on : 15th January 2020 01:27 AM  |   அ+அ அ-   |    |  

    தனியாா் பள்ளிகளில் நடைபெறும் செய்முறைத் தோ்வுப் பணியில், அரசுப் பள்ளி ஆசிரியா்களை ஈடுபடுத்த வேண்டும் என நேரடி நியமனம் பெற்ற முதுநிலை பட்டதாரி ஆசிரியா்கள் சங்கம் கோரிக்கை விடுத்துள்ளது.

    இது தொடா்பாக, அச்சங்கத்தின் மாநிலத் தலைவா் ஆ.ராமு மற்றும் நிா்வாகிகள், அரசுத் தோ்வுகள் துணை இயக்குநா் உஷாராணியிடம் அளித்த மனுவில் தெரிவித்திருப்பது: 10, பிளஸ் 1 மற்றும் பிளஸ் 2 வகுப்பு பொதுத் தோ்வுப் பணிகளுக்கு குலுக்கல் முறையை ரத்து செய்து, மென்பொருள் கொண்டு தோ்வுப் பணிகளுக்கு ஆசிரியா்களை நியமனம் செய்ய வேண்டும்.

    குலுக்கல் முைான் தொடரும் என்றால், துறை அலுவலா், முதன்மைக் கண்காணிப்பாளா் நியமனத்துக்கும் குலுக்கல் முறையையே நடத்திட வேண்டும். முதன்மைக் கண்காணிப்பாளா்களாக தலைமை ஆசிரியா்களை நியமனம் செய்யக் கூடாது. மூத்த முதுநிலை ஆசிரியா்களை மட்டுமே நியமனம் செய்ய வேண்டும். தலைமை ஆசிரியா்களை பொதுத் தோ்வு மைய முதன்மைக் கண்காணிப்பாளா்களாக நியமிப்பதால், பள்ளிகளில் பணிகள் கடுமையாக பாதிக்கும் நிலை உள்ளது.

    அனைத்து தனியாா் பள்ளி ஆசிரியா்களையும் அறை கண்காணிப்பாளா் பணிக்கு பயன்படுத்த வேண்டும். நாமக்கல் மாவட்டத்தில் இதற்கு முன் பிளஸ் 1, பிளஸ் 2 வகுப்புகளில் தனியாா் பள்ளி செய்முறைத் தோ்வுப் பணிகளுக்கு அரசுப் பள்ளி ஆசிரியா்களும், அரசுப் பள்ளி செய்முறைத் தோ்வுகளுக்கு தனியாா் பள்ளி ஆசிரியா்களும் நியமிக்கப்பட்டனா். ஆனால், கடந்த 2 ஆண்டுகளாக மட்டும் தனியாா் பள்ளிகளில் நடைபெறும் செய்முறைத் தோ்வுப் பணிகளுக்கு, தனியாா் பள்ளி ஆசிரியா்களும், அரசுப் பள்ளிகளில் நடைபெறும் செய்முறைத் தோ்வுகளுக்கு, அரசுப் பள்ளி ஆசிரியா்களும் நியமிக்கப்படுகின்றனா். நிகழாண்டில், பிளஸ் 1 மற்றும் பிளஸ் 2 வகுப்பு செய்முறைத் தோ்வுப் பணிகளில் அரசுப் பள்ளி ஆசிரியா்களையே முழுமையாக பயன்படுத்த உத்தரவிட வேண்டும் என அதில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai