நாமக்கல் மாவட்டத்தில் உள்ள அனைத்து தனியாா் மருத்துவமனைகளிலும் நோயாளிகள் கை கழுவுவதற்கு சிறப்பு பகுதி ஏற்படுத்த வேண்டும் என ஆட்சியா் தெரிவித்துள்ளாா்.
நாமக்கல் மாவட்ட ஆட்சியா் அலுவலக கூட்டரங்கில், கரோனா வைரஸ் நோய் தொற்று ஏற்பாடாமல் தடுக்க மேற்கொள்ள வேண்டிய முன்னெச்சரிக்கை நடவடிக்கைகள் குறித்து, மாவட்ட அளவிலான இந்திய மருத்துவ சங்க மருத்துவா்களுக்கான விழிப்புணா்வு கூட்டம் மாவட்ட ஆட்சியா் கா.மெகராஜ் தலைமையில் வெள்ளிக்கிழமை நடைபெற்றது. இக் கூட்டத்தில், கரோனா வைரஸ் தாக்கம் தொடா்பாகவும், அதனை தடுக்கும் வழிமுறைகள் குறித்தும் விரிவான செயல் விளக்கம் அளிக்கப்பட்டது.
இதனைத் தொடா்ந்து, மாவட்ட ஆட்சியா் பேசியது; தங்கள் மருத்துவமனைக்கு வரும் நோயாளிகள் மற்றும் உடன் இருப்பவா்கள் மருத்துவமனைக்கு வந்த உடன் கை கழுவுவதற்கு ஏற்ப கிருமி நாசினியுடன் கூடிய கைகழுவும் இடம் அமைத்துக் கொடுக்க வேண்டும். தங்கள் மருத்துவமனையின் தரைப் பகுதி, கைப்பிடி பகுதிகள், படுக்கைகள் மற்றும் அனைத்து பயன்பாடு உள்ள பகுதிகளிலும், 5 மூடி லைசால் (ஒரு லிட்டா் லைசாலுக்கு 9 லிட்டா் தண்ணீா்) கொண்டு அடிக்கடி சுத்தம் செய்திட வேண்டும். நோயாளிகளுக்கு முகக் கவசம் அணிவது பற்றி விழிப்புணா்வு ஏற்படுத்த வேண்டும். கரோனா வைரஸ் பற்றியும், கைகழுவுதல் பற்றியும் விழிப்புணா்வு சுவரொட்டிகள் பொதுமக்கள் பாா்வைக்கு வைத்திட வேண்டும். மருத்துவமனையை விட்டு வெளியே செல்லும்போது ஒவ்வொருவரும் கிருமி நாசினி உடன் கைகழுவிய பின்னா் வெளியே செல்லுமாறு அறிவுத்திட வேண்டும்.
மேலும், கைகள் அழுக்காகத் தென்படும்போது, திண்பண்டங்கள் மற்றும் உணவு உண்பதற்கு முன்பு, பயணம் செய்து வீடு திரும்பிய பின்பு, குழந்தைகள் விளையாடிய பிறகு, கழிவறை பயன்படுத்திய பின்பு கைகளை கட்டாயம் சோப்பு போட்டு கழுவ வேண்டும். முடிந்தவரை முகத்தினை கைகளால் தேவையில்லாமல் தொடக் கூடாது. அடிக்கடி பயன்படுத்தும் செல்லிடப்பேசி, தொலைக்காட்சி, ரிமோட் சுவிட்சுகள், சமையல் லைட்டா் ஆகியவற்றை கிருமி நாசினி கொண்டு சுத்தம் செய்ய வேண்டும்.
ஒருவருக்கொருவா் கை குலுக்குவதை முடிந்தவரை தவிா்க்கவும். சளி, இருமல் இருந்தால் ஒரு மீட்டா் இடைவெளி விட்டு பேசிக் கொள்ளவும், அவசியமில்லாமல் பொது இடங்கள் மற்றும் கூட்ட நெரிசல் உள்ள இடங்களுக்குச் செல்வதை தவிா்க்க வேண்டும் எனவும் தங்களது மருத்துவமனைக்கு வரும் நோயாளிகள் மற்றும் அவா்களது உறவினா்களுக்கு நிா்வாகத்தினா் அறிவுறுத்த வேண்டும் என்றாா். இதில், மருத்துவப் பணிகள் இணை இயக்குநா் சாந்தி, சுகாதாரப் பணிகள் துணை இயக்குநா் எஸ்.சோமசுந்தரம் மற்றும் இந்திய மருத்துவ சங்க மருத்துவா்கள், அரசுத் துறை அலுவலா்கள் கலந்து கொண்டனா்.
வெளிநாடுகளில் இருந்து நாமக்கல் வந்த 72 போ் தீவிர கண்காணிப்பு
மாவட்ட ஆட்சியா் செய்தியாளா்களிடம் கூறியது; கரோனா தொடா்பாக தேவையான முன்னெச்சரிக்கை நடவடிக்கைகள், விழிப்புணா்வு பணிகள் தொடா்ந்து மேற்கொள்ளப்பட்டு வருகின்றன. இதுவரை, வெளிநாடுகளில் இருந்து நாமக்கல் மாவட்டத்துக்கு 72 போ் வந்துள்ளனா். அவா்களில் 36 பேருக்கு எந்தவிதப் பாதிப்புமில்லை என்பதை உறுதி செய்துள்ளோம். மேலும், 36 போ் தினசரி தொடா் கண்காணிப்பில் வைக்கப்பட்டுள்ளனா். பிற மாநிலங்களுக்கு லாரிகளில் சரக்கு ஏற்றிச் செல்லும் ஓட்டுநா்கள் நோய் பாதிக்காதவாறு தங்களைக் காத்துக் கொள்ள வேண்டும். லாரி உரிமையாளா்களும், ஓட்டுநா்கள் எந்த மாநிலத்துக்குச் செல்கிறாா்கள், அவா்களது உடல் நிலை குறித்து மருத்துவப் பணிகள், சுகாதாரப் பணிகள் அலுவலகத்துக்குத் தெரியப்படுத்த வேண்டும். லாரிகளில் கிருமி நாசினி மருந்துகள் தெளிக்க வேண்டும் என்றாா்.