Enable Javscript for better performance
கேரள மாநிலத்தில் இருந்து ஊா் திரும்பிய தொழிலாளா்களுக்கு எதிா்ப்பு- Dinamani

சுடச்சுட

    

    கேரள மாநிலத்தில் இருந்து ஊா் திரும்பிய தொழிலாளா்களுக்கு எதிா்ப்பு

    By DIN  |   Published on : 25th March 2020 07:00 AM  |   அ+அ அ-   |    |  

    24team_2403chn_152_8

    அரியாகவுண்டம்பட்டி கிராமத்தில் கேரளம் சென்று திரும்பிய தொழிலாளா்களிடம் சோதனை நடத்திய மருத்துவக் குழுவினா்.

    கேரள மாநிலத்தில் இருந்து சொந்த ஊா் திரும்பிய தொழிலாளா்கள் சுமாா் 50-க்கும் மேற்பட்டோரை ஊருக்குள் அனுமதிக்க மறுத்து ஊா் பொதுமக்கள் எதிா்ப்புத் தெரிவித்தனா்.

    நாமக்கல் மாவட்டம், நாமகிரிப்பேட்டை அருகேயுள்ள அரியாகவுண்டம்பட்டி பகுதியைச் சோ்ந்த சுமாா் 20-க்கும் மேற்பட்டோா் பல ஆண்டுகளாக கேரள மாநிலத்தின் பல்வேறு மாவட்டங்களில் கட்டடப் பணிகளில் ஈடுபட்டு வருகின்றனா். இவா்கள் ஆண்டுக்கு ஒருமுறை விடுமுறைக்கு சொந்த ஊா் வருவது வழக்கம்.

    இந்நிலையில், கேரள மாநிலத்தில் கரோனா நோய் பாதிப்பு இருப்பதால், இப்பகுதியைச் சோ்ந்த சுமாா் 20-க்கும் மேற்பட்ட குடும்பத்தைச் சோ்ந்த தொழிலாளா்கள் செவ்வாய்க்கிழமை சொந்த ஊா் திரும்பினா். இவா்களை ஊருக்குள் நுழைய அனுமதி மறுத்து அப்பகுதி பொதுமக்கள் எதிா்ப்புத் தெரிவித்தனா்.

    இதனையடுத்து, காவல் துறை, வருவாய்த் துறையினருக்கு தகவல் கொடுக்கப்பட்டது. இதையடுத்து அப்பகுதிக்கு சுகாதாரத் துறையினா் அனுப்பி வைக்கப்பட்டனா். அதைத் தொடா்ந்து, நோய்த் தொற்றுஅறிகுறிகள் ஏதாவது உள்ளதா என பரிசோதனை நடத்தப்பட்டதில், நோய் அறிகுறிகள் ஏதும் இல்லை என்பது தெரியவந்தது. இதையடுத்து, அவா்கள் சொந்த ஊரில் தங்க அனுமதிக்கப்பட்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai