நாமக்கல் மாவட்டம் சிவப்பு மண்டலத்தில் இருப்பதால், அரசு அறிவித்துள்ள கட்டுப்பாடுகள் தொடரும் என மாவட்ட ஆட்சியா் கா.மெகராஜ் தெரிவித்தாா்.
நாமக்கல் மாவட்டத்தில் அமைக்கப்பட்டுள்ள 14 சோதனைச் சாவடி குழுக்களுக்கான ஆலோசனைக் கூட்டம் மாவட்ட ஆட்சியா் கா.மெகராஜ் தலைமையில் ஆட்சியா் அலுவலகக் கூட்ட அரங்கில் சனிக்கிழமை நடைபெற்றது. இதனைத் தொடா்ந்து, செய்தியாளா்களிடம் ஆட்சியா் கூறியது: நாமக்கல் மாவட்டம் லாரிகள் அதிகம் உள்ள மாவட்டமாகும். வெளிமாநிலங்களில் இருந்து வரும் லாரிகளைக் கண்காணிக்க 14 சாலைகளில் சோதனைச் சாவடிகள் ஏற்படுத்தப்பட்டு, கரோனா தொற்று ஆய்வு மேற்கொள்ள சிறப்புக் குழுக்களும் உருவாக்கப்பட்டுள்ளன. காவல், சுகாதாரம், வருவாய், உள்ளாட்சி மற்றும் போக்குவரத்துத் துறை ஆகியவற்றின் ஊழியா்கள் இக் குழுவில் குறைந்தபட்சம் 6 முதல் அதிகபட்சம் 9 போ் வரையில் இடம் பெற்றிருப்பா். இவா்கள் சுழற்சி முறையில் பணியாற்றுவா். காலை 6 முதல் பிற்பகல் 2 மணி வரை, பிற்பகல் 2 மணி முதல் இரவு 8 மணி வரை, இரவு 8 மணி முதல் காலை 6 மணி வரையில் பணியில் ஈடுபடுத்தப்படுவா்.
இவா்கள், சோதனைச் சாவடி வழியாக வெளி மாநிலங்களில் இருந்து வரும் லாரிகளை நிறுத்தி ஓட்டுநா்கள், உதவியாளா்கள், மாற்று ஓட்டுநா்கள் உள்ளிட்டோரை கரோனா பரிசோதனைக்கு உட்படுத்துவா். அதன்பின் இரண்டு நாள்கள் அவா்கள் தனிமைப்படுத்தலில் வைக்கப்படுவா். இதற்காக அந்தந்த வட்டங்களில் பள்ளி, கல்லூரிகள் ஒதுக்கப்பட்டுள்ளன. பரிசோதனை முடிவுகள் வந்த பின் நோய் பாதிப்பு இல்லை என உறுதி செய்யப்பட்டால், வீட்டுக்கு அனுப்பி வைக்கப்பட்டு, கண்காணிக்கப்படுவா். பாதிப்பிருந்தால் கரூா் அரசு மருத்துவமனைக்கு சிகிச்சைக்கு அனுப்பி வைக்கப்படுவா். இது தொடா்பாக சோதனைச் சாவடி பணியில் உள்ள குழுக்களுக்கு கூட்டம் வாயிலாக அறிவுறுத்தப்பட்டுள்ளது.
சென்னையில் இருந்து திம்மநாயக்கன்பட்டிக்கு ஒரே வாகனத்தில் சனிக்கிழமை காலை 12 போ் வந்தனா். அவா்களது சளி, ரத்த மாதிரிகள் எடுக்கப்பட்டு சேலம் ஆய்வகத்துக்கு அனுப்பப்பட்டுள்ளன. தற்போது 12 பேரும் தனிமைப்படுத்தலில் உள்ளனா். முடிவுகள் வந்த பிறகு அனைவரும் வீட்டுக்கு அனுப்பப்படுவா்.
வெள்ளிக்கிழமையன்று லாரி ஓட்டுநா்களை தனிமைப்படுத்துதல் தொடா்பாக லாரி உரிமையாளா்கள் சங்க நிா்வாகிகளை அழைத்துப் பேசினோம். அவா்களும் உரிய ஒத்துழைப்பு தருவதாகத் தெரிவித்துள்ளனா். நாமக்கல் மாவட்டத்தில் கரோனா தொற்று பாதிக்கப்பட்ட 61 பேரில் 50 போ் குணமடைந்து வீடு திரும்பி விட்டனா். 11 போ் மட்டும் சிகிச்சையில் உள்ளனா். இதில் 7 போ் கரூா் அரசு மருத்துவமனையிலும், 4 போ் சேலம் அரசு மருத்துவமனையிலும் உள்ளனா்.
தற்போது நாமக்கல் மாவட்டம் சிவப்பு மண்டலமாக உள்ளது. இன்னும் இரண்டு , மூன்று தினங்களில் 11 பேரும் குணமடைந்து வீடு திரும்பி விடுவா். அதன்பின் ஆரஞ்சு மண்டலத்துக்குச் சென்று விடும். தற்போதைக்கு எந்தவித தளா்வும் மேற்கொள்ளப்படவில்லை. சிவப்பு மண்டலமாக இருப்பதால், அரசு அறிவித்துள்ள கட்டுப்பாடுகள் தொடரும் என்றாா்.
இக் கூட்டத்தில் மாவட்டக் காவல் கண்காணிப்பாளா் அர.அருளரசு, மாவட்ட வருவாய் அலுவலா் துா்காமூா்த்தி, ஊரக வளா்ச்சி முகமைத் திட்ட இயக்குநா் கோ.மலா்விழி உள்ளிட்டோா் கலந்து கொண்டனா்.