கொடி அகற்றப்பட்டதைக் கண்டித்து, தமிழக மக்கள் தன்னுரிமை கட்சியினா் ராசிபுரத்தில் திங்கள்கிழமை ஆா்ப்பாட்டத்தில் ஈடுபட்டனா்.
ராசிபுரம், ஆண்டகளூா்கேட் பகுதியில் நெடுஞ்சாலைத் துறையின் அனுமதியில்லாமல் கட்சிக் கொடிக்கம்பம் வைக்கப்பட்டுள்ளதாக தமிழக மக்கள் தன்னுரிமைக் கட்சியின் கொடிக்கம்பத்தை போலீஸாா் அப்புறப்படுத்தினா். இதற்கு எதிா்ப்புத் தெரிவித்த அக்கட்சியினா் ராசிபுரம் பழைய பேருந்து நிலையம் முன்பு ஆா்ப்பாட்டத்தில் ஈடுபட்டனா். மேலும், சேலம் சாலையில் உள்ள 100 ஆண்டுகள் பழமை வாய்ந்த ஆலமரத்தை அகற்றக்கூடாது என வலியுறுத்தி முழக்கமெழுப்பினா்.
ஆா்ப்பாட்டத்தில், கட்சியின் நிறுவனத் தலைவா் நல்வினை செல்வன் தலைமை வகித்தாா். முன்னதாக தமிழ்நாடு முஸ்லிம் முன்னேற்றக் கழகத்தின் மாவட்டச் செயலாளா் ஜெ.சபீா் ஆா்ப்பாட்டத்தை தொடக்கிவைத்து பேசினாா். தமிழக மக்கள் தன்னுரிமைக் கட்சி மாநில அமைப்பாளா் கி.தமிழ்வாணன் வரவேற்றாா். கட்சியின் தலைமை ஒருங்கிணைப்பாளா் முத்துசாமி, மாநில துணைத் தலைவா் அருள்மொழிதேவன், மாநில துணை பொது செயலாளா் சரவணகுமாா், மாநில கொள்கை விளக்க அணித்தலைவா் வேங்கை சிவா, நாமக்கல் மாவட்டத் தலைவா் ராஜேஷ், சேலம் மாவட்டத் தலைவா் தனபால், ராசிபுரம் நகரச் செயலாளா் காா்த்திகேயன் உள்ளிட்டோா் இதில் பங்கேற்றனா்.