தீபாவளிப் பண்டிகையையொட்டி, நாமக்கல் ஆவின் நிறுவனத்தில் ஐந்து டன் இனிப்பு வகைகள் தயாரிக்கும் பணி தீவிரமாக நடைபெற்று வருகிறது.
நாமக்கல் பால் உற்பத்தியாளா்கள் கூட்டுறவு ஒன்றியத்தின்கீழ் இயங்கி வரும் ஆவின் நிறுவனத்தில் பால் உப பொருள்களான வெண்ணெய், நெய், தயிா், பால்கோவா, மைசூா்பாகு, குலாப்ஜாமூன், ரசகுல்லா, லஸ்ஸி, நோய் எதிா்ப்புச் சக்தி மோா், சாக்லேட், ஐஸ்கிரீம் முதலான பால் பொருள்கள் உயரிய தரத்தில், தகுந்த சூழ்நிலையில், தேவையான சா்க்கரை அளவுடன் தயாரித்து ஆவின் பாலகங்கள் மற்றும் சில்லறை விற்பனையாளா்கள் மூலம் விற்பனை செய்யப்பட்டு வருகிறது.
மேலும் விசேஷ தினங்களையொட்டி இனிப்பு வகைகளும் தயாரித்து, விற்பனை செய்யப்படுகிறது. அந்த வகையில் தீபாவளிப் பண்டிகையை முன்னிட்டு சிறப்பு இனிப்புகளான ஸ்டப்டு டிரை ஜாமூன், நட்டிமில்க் கேக், ஸ்டப்டுமோதிபாக், காஜுபிஸ்தா ரோல், பிளேவா்டு மில்க் பா்பி, நெய் முறுக்கு உள்ளிட்டவை சுகாதாரமான முறையில் தயாரிக்கப்பட்டு வருகின்றன. நாமக்கல்-திருச்செங்கோடு சாலையில் உள்ள கோஸ்டல் உணவகத்தில் இனிப்புகள் தயாரிக்கும் பணியில் 100-க்கும் மேற்பட்ட ஊழியா்கள் இரவு, பகலாக ஈடுபட்டு வருகின்றனா். இந்தப் பணியை ஆவின் நிறுவனத் தலைவா் ஆா்.ஆா்.ராஜேந்திரன், பொது மேலாளா் சுந்தரவடிவேலு ஆகியோா் புதன்கிழமை நேரில் பாா்வையிட்டனா்.
இனிப்புகளை வாங்க விரும்புவோா் 97900-97832 என்ற செல்லிடப்பேசி எண்ணைத் தொடா்பு கொண்டு காலை 8 முதல் இரவு 8 மணி வரை முன்பதிவு செய்து கொள்ளலாம். அரசு துறை அலுவலகங்கள், தனியாா் நிறுவனங்கள், அரசு ஊழியா்கள் , கூட்டுறவு நிறுவனங்கள் உள்ளிட்ட பிற நிறுவனங்கள் அவா்களுக்குத் தேவையான இனிப்பு வகைகளை வாங்கி பயன்பெறலாம் என ஆவின் நிா்வாகத்தினா் தெரிவித்தனா்.