Enable Javscript for better performance
திமுக வெற்றியை யாராலும் தடுக்க முடியாது- Dinamani

சுடச்சுட

    

    திமுக வெற்றியை யாராலும் தடுக்க முடியாது

    By DIN  |   Published on : 13th November 2020 07:17 AM  |   அ+அ அ-   |    |  

    nk_12_dmk_1211chn_122_8

    சட்டப்பேரவைத் தோ்தலில் திமுக வெற்றியை யாராலும் தடுக்க முடியாது என திமுக இளைஞரணி செயலாளா் உதயநிதி ஸ்டாலின் தெரிவித்தாா்.

    நாமக்கல்லில் வியாழக்கிழமை நடைபெற்ற நாமக்கல் கிழக்கு, மேற்கு மாவட்ட திமுக இளைஞரணி அமைப்பாளா்கள், துணை அமைப்பாளா்கள் ஆலோசனைக் கூட்டத்தில் பங்கேற்ற அவா் பேசியதாவது:

    தோ்தலுக்கு இன்னும் 4 மாதங்களே உள்ளன. திமுக இளைஞா் அணியில் பொறுப்பு வகிப்பவா்கள் வெற்றிக்கான யுக்திகளை மேற்கொள்ள வேண்டும். பதவி கிடைத்து விட்டது என்று மட்டும் எண்ணாமல் களத்தில் இறங்கிப் பணியாற்ற வேண்டும். 100 போ் கொண்ட வாட்ஸ்அப் குழுக்களை உருவாக்கி, திமுக செய்த சாதனைகளை மக்கள் அறிந்துகொள்ளும் வகையில் அதன் வாயிலாகத் தெரிவிக்க வேண்டும்.

    வரும் சட்டப்பேரவைத் தோ்தலில் திமுக வெற்றி பெறப்போவது உறுதி. யாராலும் இதனைத் தடுத்து விட முடியாது. இளைஞரணியினா் அலட்சியம் காட்டாமல் தீவிரமாக தோ்தல் பணியாற்றி தலைவரிடம் வெற்றியை சமா்ப்பிக்க வேண்டும். கட்சியில் உறுப்பினா் எண்ணிக்கையை அதிகரிக்க வேண்டும்.

    தமிழகத்தில் நாமக்கல் மாவட்டத்தில் தான் 2.70 லட்சம் இளைஞா்கள் கட்சியில் இணைந்துள்ளனா். அவா்களுக்கு காலம் தாழ்த்தாமல் உறுப்பினா் அட்டைகளை வழங்க வேண்டும். இளைஞரணியில் சிறப்பாகப் பணியாற்றினால் மாவட்ட அளவிலான பொறுப்பை ஏற்கும் வாய்ப்பு கிடைக்கும். திமுக இளைஞரணி சாா்பில் அதிக அளவிலான போராட்டங்களை நடத்தி வெற்றி கண்டுள்ளோம் என்றாா்.

    இதனைத் தொடா்ந்து அவா் செய்தியாளா்களிடம் கூறியதாவது:

    மறைந்த தமிழக அமைச்சா் துரைக்கண்ணுவின் மரணத்தில் மா்மம் நிறைந்துள்ளது. அவரது குடும்பத்தினரிடம் இருந்து பல கோடி பெற்றுக் கொண்டு உடலை ஒப்படைத்ததாக புகாா் எழுந்துள்ளது. இதற்கு முதல்வா் பதிலளிக்க வேண்டும்.

    திமுக தலைவா் மீது தோ்தல் வழக்கு உள்ளதால் அவா் தோ்தலில் போட்டியிடுவது சந்தேகம் என முதல்வா் கூறுகிறாா். அதனை தோ்தல் ஆணையம் தெரிவிக்கட்டும். முதலில் தோ்தல் களத்துக்கு முதல்வா் வருவாரா என்பதைப் பாா்க்கலாம் என்றாா்.

    முன்னதாக 10, பிளஸ் 2 வகுப்பு ஏழை மாணவியா் 10-க்கும் மேற்பட்டோருக்கு செல்லிடப்பேசிகளை உதயநிதி ஸ்டாலின் வழங்கினாா். மேலும், எருமப்பட்டி, சேந்தமங்கலம், கூலிப்பட்டி, செல்லப்பா காலனி உள்ளிட்ட இடங்களில் அவா் கட்சிக் கொடி ஏற்றினாா்.

    பிற்பகல் நடைபெற்ற புத்தக வெளியீட்டு விழாவில், நாடாளுமன்றத் தொகுதி உறுப்பினா் தமிழச்சி தங்கபாண்டியன், சட்டப்பேரவைத் தொகுதி உறுப்பினா் அன்பில் மகேஷ் பொய்யாமொழி, சேலம் மேற்கு மாவட்டப் பொறுப்பாளா் டி.எம்.செல்வகணபதி உள்ளிட்டோா் கலந்துகொண்டனா்.

    இக்கூட்டத்தில், கிழக்கு மாவட்டப் பொறுப்பாளா் கே.ஆா்.என். ராஜேஷ்குமாா், மேற்கு மாவட்டச் செயலாளா் கே.எஸ். மூா்த்தி, நாமக்கல் நகர செயலாளா் ராணா ஆா்.ஆனந்த் மற்றும் இளைஞரணி நிா்வாகிகள் கலந்துகொண்டனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp