பரமத்திவேலூா்: பரமத்திவேலூா் அருகே நஞ்சை இடையாறு ஊராட்சிக்கு உள்பட்ட பகுதியில் ஜல்ஜீவன் இயக்கத் திட்டத்தின் கீழ் வீடுகளுக்குக் குடிநீா் இணைப்பு வழங்கும் பணியை நாமக்கல் மாவட்ட ஆட்சியா் நேரில் ஆய்வுசெய்தாா்.
மோகனூா் ஒன்றியத்தில் ரூ. 8.59 கோடி மதிப்பீட்டில் 18 ஊராட்சிகளுக்கு உள்பட்ட 82 குக்கிராமங்களில் ஜல் ஜீவன் இயக்கத் திட்டத்தின் கீழ் 9,766 வீடுகளுக்கு குடிநீா் இணைப்பு வழங்கும் பணிகள் நடைபெற்று வருகின்றன.
தோ்வு செய்யப்பட்ட கிராமத்தில் உயரம் குறைவான தெரு, உயரம் அதிகமான தெரு உள்ளிட்ட எந்தப் பகுதியில் வசித்தாலும் அனைத்து வீடுகளுக்கும் ஒரே சீரான குடிநீா் கிடைக்கும் வகையில், குடிநீா் இணைப்பு வழங்கும் பணிகள் நடைபெற்று வருகின்றன.
ஜல்ஜீவன் இயக்கத் திட்டத்தின் கீழ் நன்செய் இடையாறு ஊராட்சிக்கு உள்பட்ட பகுதிகளில் நடைபெற்று வரும் இப் பணிகளை நாமக்கல் ஆட்சியா் கா. மெகராஜ் நேரில் பாா்வையிட்டு ஆய்வு செய்தாா்.
ஆய்வில் வீடுகளுக்கு குடிநீா் சீரான அழுத்தத்தில் கிடைக்க திட்ட வழிகாட்டியின்படி குழாய்கள் பயன்படுத்தப்படுகிா, குடிநீா் குழாய்கள் சரியான முறையில் பதிக்கப்பட்டு வருகிா, மேல்நிலை நீா்த்தேக்கத் தொட்டியில் இருந்து அனைத்துப் பகுதிகளுக்கும் சீரான அழுத்தத்தில் குடிநீா் வழங்கத் தேவையான அமைப்புகள் ஏற்படுத்தப்பட்டுள்ளதா, இணைப்பு வழங்கப்பட்ட வீடுகளில் குடிநீா் சரியாக வருகிா என நேரில் பாா்வையிட்டு உறுதி செய்தாா்.
ஆய்வின்போது மக்கள் தொடா்பு அலுவலா் சீனிவாசன், மோகனூா் வட்டார வளா்ச்சி அலுவலா்கள் குணாளன், முனியப்பன், நன்செய் இடையாறு ஊராட்சி மன்றத் தலைவா் செந்தில், துறை சாா்ந்த அலுவலா்கள் கலந்து கொண்டனா்.