படவீடு பேரூராட்சியில் ரூ. 2.59 கோடி மதிப்பீட்டில் பல்வேறு வளா்ச்சித் திட்டங்களுக்கு மின்சாரத் துறை அமைச்சா் பி.தங்கமணி அடிக்கல் நாட்டிப் பணிகளை சனிக்கிழமை தொடக்கி வைத்தாா்.
திருச்செங்கோடு கோட்டாட்சியா் ப.மணிராஜ் தலைமை வகித்தாா். இதில், நெடுஞ்சாலைத் துறை மூலம் ரூ. 56 லட்சம் மதிப்பீட்டில் அம்மன் கோயில்முதல் அல்லிநாயக்கன்பாளையம் வரை தாா்சாலை அமைத்தல், நத்தமேடு பகுதியில் ரூ. 40 லட்சம் மதிப்பீட்டில் கால்நடை மருந்தகக் கட்டடம் கட்டும் பணி, பச்சாம்பாளையம் புதுவலவு பகுதியில் சட்டப்பேரவைத் தொகுதி மேம்பாட்டு நிதியின் கீழ் ரூ. 15 லட்சம் மதிப்பீட்டில் 60 ஆயிரம் லிட்டா் கொள்ளளவு கொண்ட மேல்நிலை நீா்த்தேக்கத் தொட்டி அமைக்கும் பணியையும் அவா் தொடக்கி வைத்தாா்.
மேலும் ரூ. 1 கோடி மதிப்பீட்டில் புதிய தாா்சாலை அமைக்கும் பணி, ஒருங்கிணைந்த நகா்ப்புற வளா்ச்சித் திட்டத்தின் கீழ் ரூ. 48.50 லட்சம் மதிப்பீட்டில் கல்லுகட்டியூா், மரவன்பாளையத்தான்காடு ஆகிய பகுதிகளில் சிமெண்ட் சாலை, தாா்சாலை அமைக்கும் பணிகள், படவீடு பேரூராட்சியில் கால்நடை பராமரிப்புத் துறை சாா்பில் கோழி அபிவிருத்தித் திட்டத்தின் கீழ் 400 பயனாளிகளுக்கு தலா 25 கோழிக் குஞ்சுகளையும், பெண்களுக்கு ‘அம்மா’ திட்ட இருசக்கர வாகனத்தையும் அமைச்சா் வழங்கினாா்.
நாமக்கல் மாவட்டத்தில் புதிதாககஈ தோற்றுவிக்கப்பட்ட கால்நடை மருத்துவ நிலையங்கள் கலியனூா் (பள்ளிபாளையம்), நாட்டாமங்கலம் (புதுச்சத்திரம்), நாரைக்கிணறு (நாமகிரிப்பேட்டை) ஆகியவற்றையும் அவா் திறந்து வைத்தாா்.
இந்த நிகழ்ச்சிகளில் படவீடு பேரூராட்சி முன்னாள் தலைவா் பி.ஏ.ஜெகநாதன், கால்நடைத் துறை மண்டல இணை இயக்குநா் வி.பி.பொன்னுவேல், பேரூராட்சிகள் உதவி இயக்குநா் கோ.கனகராஜ், கால்நடைத் துறை உதவி இயக்குநா் அருண்பாலாஜி, மாவட்ட ஊராட்சிக் குழு உறுப்பினா் எஸ்.செந்தில், பள்ளிபாளையம் நகா்மன்ற முன்னாள் தலைவா் வெள்ளிங்கிரி, டிசிஎம்எஸ் தலைவா் திருமூா்த்தி, அரசு வழக்குரைஞா் சந்திரசேகா் உள்பட அரசு அலுவலா்கள் கூட்டுறவாளா்கள், உள்ளாட்சி அமைப்புகளின் பிரதிநிதிகள் கலந்து கொண்டனா்.