நாமக்கல் மாவட்டத்தில் சட்ட விதிகளுக்குப் புறம்பாக குழந்தைகளைத் தத்தெடுத்தால் கடும் நடவடிக்கை எடுக்கப்படும் என ஆட்சியா் கா. மெகராஜ் தெரிவித்துள்ளாா்.
இதுகுறித்து அவா் வெளியிட்டுள்ள செய்திக் குறிப்பு: சட்டத்துக்குப் புறம்பாக குழந்தைகளை வாங்குவதும், விற்பதும், அதற்கு துணையாகச் செயல்படுவதும் கடும் குற்றமாகும். இளைஞா் நீதிச் சட்டத்தின்படி ஐந்து ஆண்டுகள் சிறை தண்டனையும், ஒரு லட்சம் ரூபாய் வரையில் அபராதமும் விதிக்கப்படும்.
குழந்தையைத் தத்தெடுக்க விரும்புவோா் ஜ்ஜ்ஜ்.இஅதஅ.ய்ண்ஸ்ரீ.ண்ய் என்ற இணையத்தில் மட்டுமே பதிவு செய்ய வேண்டும். மேலும் இதுகுறித்த விவரங்கள் அறியவும், குழந்தைகளைத் தத்தெடுத்தல் குறித்தும் மாவட்ட குழந்தைகள் பாதுகாப்பு அலுவலரைத் தொடா்பு கொள்ளலாம். தொலைபேசி எண்: 04286 - 233103.
மேலும், திருச்செங்கோடு பெருமாம்பாளையம் பராமரிக்கும் கரங்கள் சிறப்பு குழந்தைகள் தத்தெடுப்பு மையத்தை 98431 50255 என்ற எண்ணிலும், சைல்டு லைன் இலவச தொலைபேசி 1098 என்ற எண்ணிலும் தொடா்பு கொள்ளலாம் எனத் தெரிவிக்கப்பட்டுள்ளது.
குழந்தைகளைக் கடத்தினால் 7 ஆண்டுகள் சிறை:
18 வயது நிறைவடையாத ஆண், பெண் குழந்தைகளைக் கடத்தினால் ஏழு ஆண்டுகளுக்கு மேல் சிறை தண்டனையும், குழந்தை கடத்தப்படும் நோக்கத்துக்கான தண்டனையும் வழங்கப்படும். இவ்வாறு கடத்தப்படும் குழந்தைகளை, பிச்சையெடுப்பதற்கென அவா்களது உடல்களை முடமாக்கும் நபா்களுக்கு 10 ஆண்டுகள் முதல் ஆயுள் வரையிலான சிறை தண்டனையுடன் அபராதமும் விதிக்கப்படும்.
மேலும் விவரம் அறியவும், தகவல் தெரிவிக்கவும் நாமக்கல் மாவட்ட குழந்தைகள் பாதுகாப்பு அலுவலகத்தைத் தொடா்பு கொள்ளலாம் என ஆட்சியா் கா.மெகராஜ் தெரிவித்துள்ளாா்.