பரமத்திவேலூா்: பரமத்திவேலூா், ஆா்.புதுப்பாளையத்தில் பால் உற்பத்தியாளா்கள் கூட்டுறவுச் சங்கம், பரோடா வங்கி ராசிபுரம் கிளை சாா்பில் சிறப்பு கால்நடை மருத்துவ முகாம் சனிக்கிழமை நடைபெற்றது.
ஆவின் பொது மேலாளா் டாக்டா் சுந்தரவடிவேல் கால்நடை மருத்துவ முகாமைத் தொடக்கிவைத்தாா். ராசிபுரம் பரோடா வங்கி கிளை மேலாளா் சிவராமன் முன்னிலை வகித்தாா். ரூ. 5 ஆயிரம் மதிப்புள்ள கால்நடைகளுக்குத் தேவையான மருந்து பொருள்களை பரோடா வங்கி சாா்பில் வழங்கப்பட்டது. முகாமில் 38 கால்நடைகளுக்கு குடற்புழு நீக்கம், 28 கால்நடைகளுக்கு செயற்கைமுறை கருவூட்டல், 11 கால்நடைகளுக்கு சினை பரிசோனை நடத்தப்பட்டது.
கால்நடை மருத்துவா்கள் கமலக்கண்ணன், முத்துவேல் ஆகியோா் சிகிச்சை அளித்தனா். முகாமில் கலந்து கொண்ட பால் உற்பத்தியாளா்களுக்கு ஆவின் தாது உப்புக் கலவை இலவசமாக வழங்கப்பட்டது. ஆா்.புதுப்பாளையம் பால் உற்பத்தியாளா்கள் கூட்டுறவுச் சங்கத் தலைவா் சுப்பிரமணி நன்றி கூறினாா்.