திருச்செங்கோடு: திருச்செங்கோடு வேளாண் உற்பத்தியாளா்கள் கூட்டுறவு விற்பனைச் சங்கத்தில் 750 மூட்டை மஞ்சள் ரூ. 25 லட்சத்துக்கு சனிக்கிழமை விற்பனையானது.
ஏலத்தில் ஆத்தூா், கெங்கவல்லி, கூகையூா், கள்ளக்குறிச்சி, பொம்மிடி, அரூா், ஜேடா்பாளையம், பரமத்தி வேலூா், நாமக்கல், மேட்டூா், பூலாம்பட்டி ஆகிய பகுதிகளிலிருந்து விவசாயிகள் விற்பனைக்கு மஞ்சள் கொண்டு வந்திருந்தனா். இந்த மஞ்சளை கொள்முதல் செய்ய ஈரோடு, ராசிபுரம், நாமகிரிப்பேட்டை, சேலம் ஆகிய ஊா்களிலிருந்து 30-க்கும் மேற்பட்ட வியாபாரிகள் வந்திருந்தனா்.
இதில், ஏல முறையில் ரூ. 40 லட்சத்துக்கு மஞ்சள் விற்பனையானது. விரலி ரகம் குவிண்டாலுக்கு ரூ. 6,102 முதல் ரூ. 7,499 வரையும், கிழங்கு ரகம் ரூ. 5,699 முதல் ரூ. 6,269 வரையும், பனங்காளி ரகம் குவிண்டாலுக்கு ரூ. 9,699 முதல் ரூ. 13,699 வரையும் விற்பனையானது.