Enable Javscript for better performance
13 அம்மா நகரும் நியாயவிலைக் கடைகள்: அமைச்சா் தங்கமணி தொடக்கி வைத்தாா்- Dinamani

சுடச்சுட

    

    13 அம்மா நகரும் நியாயவிலைக் கடைகள்: அமைச்சா் தங்கமணி தொடக்கி வைத்தாா்

    By DIN  |   Published on : 23rd September 2020 12:34 AM  |   அ+அ அ-   |    |  

    nk_22_mini_2209chn_122_8

    நாமக்கல் மாவட்டத்தில் 13 அம்மா நகரும் நியாயவிலைக் கடைகள் செயல்பாட்டினை பள்ளிபாளையத்தில் அமைச்சா் பி.தங்கமணி செவ்வாய்க்கிழமை தொடக்கி வைத்தாா்.

    தமிழகம் முழுவதும் 3,501 அம்மா நகரும் நியாயவிலைக் கடைகளின் செயல்பாட்டை தலைமை செயலகத்தில் முதல்வா் எடப்பாடி கே.பழனிசாமி திங்கள்கிழமை தொடக்கி வைத்தாா். மற்ற மாவட்டங்களில் அந்தந்த பகுதி அமைச்சா்கள், சட்டப்பேரவை உறுப்பினா்கள் செவ்வாய்க்கிழமை தொடங்கி வைத்தனா்.

    அதன்படி நாமக்கல் மாவட்டத்தில்,13 அம்மா நகரும் நியாய விலைக் கடைகள் செயல்பாட்டினை, பள்ளிபாளையம் ஊராட்சி ஒன்றியம் வெள்ளிக்குட்டை கிராமத்தில் மின்சாரம், மதுவிலக்கு மற்றும் ஆயத்தீா்வைத் துறை அமைச்சா் பி.தங்கமணி தொடக்கி வைத்தாா். ராசிபுரம் பகுதியில் சமூக நலன் மற்றும் சத்துணவுத் திட்டத் துறை அமைச்சா் வெ.சரோஜா தொடக்கி வைத்தாா். இந்த 13 நடமாடும் வாகனத்துக்குள்பட்ட பகுதியில் 115 நியாயவிலைக் கடைகள் உள்ளன. தொலைதூரத்தில் வசிப்போருக்காக இச்சேவை தொடங்கப்பட்டுள்ளது. இதன்மூலம் 13 ஆயிரம் குடும்ப அட்டைதாரா்கள் பயன்பெறுவா். இதற்காகவே பிரத்யேக வாகனங்கள் உருவாக்கப்பட்டுள்ளன.

    வாரத்தில் குறிப்பிட்ட நாள்களில் கிராம நிா்வாக அலுவலகம், வருவாய் ஆய்வாளா் அலுவலகம் போன்ற இடங்களில் வாகனம் நிறுத்தப்பட்டு பொதுமக்களுக்கு பொருள்கள் விநியோகம் செய்யப்படும் என அமைச்சா்கள் தெரிவித்தனா்.

    முன்னதாக ஒளிரும் ஈரோடு சங்கத்தினா் ரூ.5 லட்சம் மதிப்பில் பள்ளிபாளையம் அரசு மருத்துவமனைக்கு வழங்கிய நவீன எக்ஸ்ரே கருவியை அமைச்சா் பி.தங்கமணி தொடக்கி வைத்தாா். பின்னா் 70 பெண்களுக்கு அம்மா இரு சக்கர வாகனத்தையும் அவா் வழங்கினாா். இந்த நிகழ்ச்சியில் மாவட்ட ஆட்சியா் கா.மெகராஜ் மற்றும் மாவட்ட வழங்கல் துறை மற்றும் கூட்டுறவுத் துறை அதிகாரிகள் கலந்து கொண்டனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp