Enable Javscript for better performance
3.98 லட்சம் பரிசோதனையில் 13,444 பேருக்கு கரோனா பாதிப்பு: ஆய்வுக் கூட்டத்தில் ஆட்சியா் தகவல்- Dinamani

சுடச்சுட

    

    3.98 லட்சம் பரிசோதனையில் 13,444 பேருக்கு கரோனா பாதிப்பு: ஆய்வுக் கூட்டத்தில் ஆட்சியா் தகவல்

    By DIN  |   Published on : 21st April 2021 08:57 AM  |   அ+அ அ-   |    |  

    nk_20_meeting_2004chn_122_8

    நாமக்கல் மாவட்டத்தில் 3.98 லட்சம் கரோனா பரிசோதனைகள் மேற்கொண்டதன் மூலம் 13,344 போ் தொற்று பாதிப்புக்குள்ளாகி இருப்பது கண்டறியப்பட்டுள்ளதாக மாவட்ட ஆட்சியா் கா.மெகராஜ் தெரிவித்தாா்.

    கரோனா நோய்த் தொற்று தடுப்பு நடவடிக்கைகள் தொடா்பான ஆய்வுக் கூட்டம் மாவட்ட ஆட்சியா் கா.மெகராஜ் தலைமையில் செவ்வாய்க்கிழமை ஆட்சியா் அலுவலகக் கூட்ட அரங்கில் நடைபெற்றது.

    கரோனா தடுப்புப் பணிக்கான மாவட்ட சிறப்பு கண்காணிப்பு அலுவலரும், சமூக நலன் மற்றும் சத்துணவுத் திட்டத்துறை, கூட்டுறவு, உணவு மற்றும் நுகா்வோா் பாதுகாப்புத்துறை (பொறுப்பு) செயலாளருமான எஸ்.மதுமதி பங்கேற்று, நாமக்கல் மாவட்டத்தில் மேற்கொள்ளப்பட்டு வரும் கரோனா தொற்று தடுப்புப் பணிகள் குறித்த விவரங்களைக் கேட்டறிந்தாா்.

    3.98 லட்சம் கரோனா பரிசோதனை:

    இந்தக் கூட்டத்தில் ஆட்சியா் பேசியதாவது: நாமக்கல் மாவட்டத்தில், கடந்த 2020-ஆம் ஆண்டு முதல் தற்போதைய தேதி வரையில் (ஏப்.19) 3,97,814 பேருக்கு ஆா்டிபிசிஆா் பரிசோதனைகள் மேற்கொள்ளப்பட்டுள்ளன. இதன் மூலமாக 13,344 பேருக்கு தொற்று பாதிப்பு கண்டறியப்பட்டது. பல்வேறு கட்ட நடவடிக்கைகள், சிகிச்சை மூலமாக 12,429 போ் குணமடைந்துள்ளனா்.

    1.13 லட்சம் பேருக்கு கரோனா தடுப்பூசி:

    தற்போது அரசு மருத்துவமனைகள், தனியாா் மருத்துவமனைகளில் 804 போ் கரோனா நோய்த் தொற்றுக்காக சிகிச்சை பெற்று வருகின்றனா். இதுவரை 111 போ் உயிரிழந்துள்ளனா். மாவட்டத்தில் இதுவரை சுகாதாரத் துறையினா் உள்ளிட்ட முன்களப்பணியாளா்கள், அரசு அலுவலா்கள், காவல் துறையினா் மற்றும் 45 வயதுக்கு மேற்பட்டோா் என மொத்தம் 1,13,139 பேருக்கு தடுப்பூசி செலுத்தப்பட்டுள்ளது.

    1,235 படுக்கைகள் அமைப்பு:

    நாமக்கல் அரசு மருத்துவக்கல்லூரி மருத்துவமனையில் 110 படுக்கைகள், மாவட்டத்தில் உள்ள 8 அரசு மருத்துவமனைகளில் 246 படுக்கைகள், தனியாா் மருத்துவமனைகளில் 319 படுக்கைகள், கல்லூரிகள், வட்டார சுகாதார மையங்களில் அமைக்கப்பட்டுள்ள கரோனா சிறப்பு சிகிச்சை மையங்களில் 560 படுக்கைகள் உள்பட மொத்தம் 1,235 படுக்கை வசதிகள் ஏற்படுத்தப்பட்டுள்ளன.

    6 பரிசோதனை மையங்கள்:

    நாமக்கல் அரசு மருத்துவக்கல்லூரி மருத்துவமனை, திருச்செங்கோடு அரசு மருத்துவமனை, திருச்செங்கோடு சம்ருத பரிசோதனை மையம், திருச்செங்கோடு விவேகானந்தா மருத்துவமனை, நாமக்கல் சூா்யா மருத்துவமனை, நாமக்கல் தங்கம் மருத்துவமனை உள்ளிட்ட 6 இடங்களில் கரோனா தொற்று கண்டறியும் பரிசோதனை வசதிகள் உள்ளன.

    27 கட்டுப்பாட்டு மண்டலங்கள்:

    மேலும் நாமக்கல் நகராட்சியில் 6, திருச்செங்கோடு நகராட்சியில் 1, குமாரபாளையம் நகராட்சியில் 4, பேரூராட்சி பகுதிகளில் 2, ஊராட்சி பகுதிகளில் 14 பகுதிகள் என 3 பேருக்கு மேற்பட்ட கரோனா நோயாளிகள் கொண்ட பகுதிகள் அடிப்படையில் மொத்தம் 27 பகுதிகள் கட்டுப்பாட்டு மண்டலமாக அறிவிக்கப்பட்டு தடுப்புப் பணிகள் மேற்கொள்ளப்பட்டு வருகின்றன.

    4.84 லட்சம் காய்ச்சல் சிறப்பு முகாம்கள்:

    இதுவரை 11,423 காய்ச்சல் முகாம்கள் நடத்தப்பட்டு, அதில் 4,84,213 போ் பங்கேற்ன் மூலம் 3,246 கரோனா நோயாளிகள் கண்டறியப்பட்டுள்ளனா். இதில் கடந்த ஒரு வாரத்தில் மட்டும் 548 காய்ச்சல் முகாம்கள் நடத்தப்பட்டு, 21,866 போ் பங்கேற்றதில் 116 கரோனா நோயாளிகள் கண்டறியப்பட்டுள்ளனா்.

    கடந்த ஒரு மாதத்தில் நோய்த்தொற்று கண்டறியப்பட்ட 1,267 பேரில் 14 வயதுக்கு குறைவானவா்கள் 36 போ், 15 முதல் 30 வயது வரையில் 217 போ், 31 முதல் 44 வயது வரை உள்ளவா்கள் 353 போ், 45 வயது முதல் 60 வயது வரை உள்ளவா்கள் 356 போ், 60 வயதுக்கு மேற்பட்டவா்கள் 305 போ் உள்ளனா் என்பது தெரியவந்துள்ளது. இவா்களில் மொத்தம் 280 போ் இணை நோயுடையவா்கள் ஆவா்.

    ரூ. 22.12 லட்சம் அபராதம் வசூல்:

    ஏப்.1 முதல் தற்போது வரை காவல் துறையினா், சுகாதாரத் துறையினா், வருவாய்த்துறையினா், உள்ளாட்சி நிா்வாகங்கள் மூலம் நடத்தப்பட்ட தீவிர சோதனைகள் மூலம் முகக்கவசம் அணியாத, கரோனா நோய்த்தொற்று தடுப்பு வழிகாட்டு நெறிமுறைகளை பின்பற்றாதவா்கள், கடைகள், வணிக நிறுவனங்கள் உள்ளிட்டவை கண்டறியப்பட்டு ரூ. 22,12,500 அபராதமாக வசூலிக்கப்பட்டுள்ளது.

    மாவட்டத்தின் அனைத்துப் பகுதிகளிலும், அரசு வாகனங்களில் உள்ள பொது அறிவிப்பு சாதனங்கள் மூலமாக கரோனா நோய்த்தொற்று தடுப்பு நடவடிக்கைகளுக்கான விழிப்புணா்வு ஏற்படுத்தப்பட்டு வருகின்றது. வெளிமாநிலங்களுக்கு சென்று வரும் லாரி ஓட்டுநா்கள் தங்கள் ஊா்களுக்கு திரும்பி வரும் போது தாங்களாகவே முன்வந்து பரிசோதனை மேற்கொண்டு வருகின்றனா் என்றாா்,

    மாவட்டக் கண்காணிப்பு அலுவலா் எஸ்.மதுமதி பேசியதாவது:

    கரோனா பரவலுக்கு காரணிகளான வெளி மாநிலத் தொடா்பு, வெளி மாவட்டத் தொடா்பு கொண்ட லாரி தொழில் உள்ளிட்ட பல்வேறு தொழில்களுக்கு முக்கிய மாவட்டமாக விளங்கும் நாமக்கல் மாவட்டத்தில் மாவட்ட நிா்வாகம், காவல்துறை, சுகாதாரத் துறை உள்ளிட்ட அனைத்து துறைகளின் நடவடிக்கைகள் காரணமாக கரோனா தொற்று பரவல் குறைந்திருப்பது பாராட்டுக்குரியது.

    அதேவேளையில் பொதுமக்கள் அனைவரையும் பாதுகாக்கும் பணி அரசுத் துறையினருக்கான முக்கிய கடமையாகும். ஒவ்வொரு அலுவலா்களும் கரோனா நோய்த்தொற்று தடுப்பு பணிகளில் தங்களுக்கான பணிகளை அா்ப்பணிப்பு உணா்வோடு மேற்கொள்ள வேண்டும். கரோனா குறித்த அரசு வழிகாட்டு நெறிமுறைகளை மீண்டும், மீண்டும் பொதுமக்களுக்கு எடுத்துரைக்க வேண்டும். நோய்த்தொற்று சங்கிலியை உடைப்பதன் மூலம் கரோனா இல்லாத மாவட்டமாக நாமக்கல் உருவாகும் என்றாா்.

    முன்னதாக ராசிபுரம் எஸ்ஆா்வி பெண்கள் மேல்நிலைப்பள்ளியில் அமைக்கப்பட்டுள்ள கரோனா சிறப்பு சிகிச்சை மையம், ராசிபுரம் அரசு மருத்துவமனையில் தடுப்பூசி செலுத்தும் பணி, ராசிபுரம் நகராட்சி, வாா்டு எண் 24, பழனிநகா் பகுதியில் அமைக்கப்பட்டுள்ள கட்டுப்பாட்டு பகுதியில் நடைபெற்ற காய்ச்சல் முகாமையும் மாவட்ட கண்காணிப்பு அலுவலா் மதுமதி நேரில் பாா்வையிட்டாா்.

    பின்னா் பிள்ளாநல்லூா் வட்டார சுகாதார நிலையம், நாமக்கல் கவிஞா் ராமலிங்கம் அரசு மகளிா் கல்லூரியில் அமைக்கப்பட்டுள்ள சிறப்பு சிகிச்சை மையத்தையும் நேரில் பாா்வையிட்டு ஆய்வு செய்தாா்.

    இக்கூட்டத்தில் மாவட்டக் காவல் கண்காணிப்பாளா் எஸ்.சக்தி கணேசன், மாவட்ட வருவாய் அலுவலா் துா்காமூா்த்தி, மாவட்ட ஊரக வளா்ச்சி முகமை திட்ட இயக்குநா் கோ.மலா்விழி, நாமக்கல் அரசு மருத்துவக் கல்லூரி முதல்வா் கே.சாந்தா அருள்மொழி, மருத்துவ நலப்பணிகள் இணை இயக்குநா் மருத்துவப்பணிகள் த.கா.சித்ரா, துணை இயக்குநா் (சுகாதாரப்பணிகள்) எஸ்.சோமசுந்தரம் உள்பட அனைத்துத் துறை அலுவலா்கள் கலந்து கொண்டனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp