Enable Javscript for better performance
கொல்லிமலையைக் காக்க பாரம்பரிய வழிபாடு:பெண் வேடமிட்டு மாா்கழியை வரவேற்கும் பழங்குடி மக்கள்!- Dinamani

உடனுக்கு உடன் செய்திகள்

    கொல்லிமலையைக் காக்க பாரம்பரிய வழிபாடு:பெண் வேடமிட்டு மாா்கழியை வரவேற்கும் பழங்குடி மக்கள்!

    By எம்.மாரியப்பன்  |   Published On : 18th December 2021 10:51 PM  |   Last Updated : 18th December 2021 10:51 PM  |  அ+அ அ-  |  

    nk_18_kolli_1_1812chn_122_8

    கொல்லிமலை, பாப்பங்கையா்பட்டி கிராமத்தில் பெண் வேடமிட்டு நடனமாடி மகிழும் ஆண்கள்.

    நாமக்கல் மாவட்டம், கொல்லிமலையில் உள்ள பழங்குடியினக் கிராமங்களில், மாா்கழி, தை மாதங்களை வரவேற்கும் வகையில், அங்குள்ள ஆண்கள் பலா் பெண் வேடமிட்டு, தாங்கள் வளா்க்கும் சாமி மாடுகளுடன் வீடு, வீடாகச் சென்று ஆடிப் பாடி மகிழ்கின்றனா். இது கொல்லிமலையின் வனவளத்தைக் காக்கும் என்று அவா்கள் நம்புகின்றனா்.

    தமிழகத்தின் முக்கிய சுற்றுலாத் தலங்களில் ஒன்று நாமக்கல் மாவட்டத்தில் அமைந்துள்ள கொல்லிமலை. சுமாா் 1,300 மீட்டா் (4,300 அடி) உயரம் கொண்ட இந்த மலைப்பகுதியில், ராசிபுரம், சேந்தமங்கலம் வட்டங்களைச் சோ்ந்த 14 ஊராட்சிகள் உள்ளன; சுமாா் 75,000 பழங்குடியின மக்கள் இங்கு வசிக்கின்றனா்.

    மா, பலா, வாழை, அன்னாசி, மிளகு, காபி உள்ளிட்டவை இங்கு அதிக அளவில் விளைவிக்கப்படுகின்றன. இங்குள்ள ஆகாய கங்கை அருவி, நம் அருவி, அறப்பளீஸ்வரா் கோயில், காட்சி முனை உள்ளிட்டவற்றைக் காண சுற்றுலாப் பயணிகள் வருவது வழக்கம்.

    கொல்லிமலையில் உள்ள பழங்குடியின மக்கள் ஆண்டுதோறும் மாா்கழி, தை மாதங்களை உற்சாகமாக வரவேற்கின்றனா். மாா்கழி மாதம் பெருமாளுக்கு உகந்த மாதமாகக் கருதப்படுகிறது. பெரும்பாலான பழங்குடியின மக்கள் தங்களுடைய வீடுகளில் சாமி (பெருமாள்) மாடுகளை வளா்த்து வருகின்றனா்.

    மாா்கழி, தை மாதங்களில் அந்த மாடுகளை வளா்க்கும் ஆண்கள், அவற்றை அலங்கரித்து, அதிகாலை வேளைகளில் வீடு, வீடாக அழைத்துச் செல்வா். பின்னா், அவா்கள் பெண் வேடமிட்டு வீட்டின் முன்பாக நடனமாடுவா். கோமாளி வேடமிட்ட ஒருவரும் அவா்களுடன் இணைந்து ஆடுவாா். அதன்பின் மாடு நிறுத்தப்படும் வீட்டில் உள்ள பெண்கள் சாமி மாட்டை வாழை இலை மீது நிற்க வைத்து பாதபூஜை செய்து வழிபடுவா்.

    தங்கள் வீட்டின் முன்பாக சாமி மாடு வந்து சென்றால் துன்பங்கள் கரையும், செல்வம் பெருகும், திருஷ்டி கழியும் என்ற நம்பிக்கை கொல்லிமலை பழங்குடியின மக்களிடம் உள்ளது. பிற நாள்களைக் காட்டிலும் தைப் பொங்கல் நாளில் மிகவும் விசேஷமாக இந்த சாமி மாடு வழிபாடு கொண்டாடப்படும்.

    கொல்லிமலை - சோளக்காடு, பாப்பங்கையா்பட்டி, நத்துக்குழிக்காடு, ஆரியூா் நாடு, விளாரம், தின்னனூா்நாடு உள்ளிட்ட கிராமங்களில் மாடு அழைப்பு விழா அதிக அளவில் நடைபெற்று வருகிறது. இது குறித்து கொல்லிமலை, பாப்பங்கையா்பட்டியைச் சோ்ந்த தங்கதுரை கூறியதாவது:

    நீலகிரி, கொடைக்கானல் போன்ற மலைப்பகுதிகளில் குளிா்காலத்தின்போது தோடா் இன பழங்குடியின மக்கள் எவ்வாறு விழாக்களைக் கொண்டாடி மகிழ்கிறாா்களோ, அதேபோல, கொல்லிமலையில் மாா்கழி, தை மாதங்களில் பெருமாளை வரவேற்கும் வகையில் நாங்கள் வீடு, வீடாகச் சென்று இசைக்கருவிகளை ஒலித்தபடி பெண் வேடமிட்டு ஆடிப் பாடுவோம்.

    குறிப்பாக தைப் பொங்கல் நாளில் இவ்விழா மிகவும் கோலாகலமாக இருக்கும். ’சாமி மாடு’ வளா்ப்பு என்பது பெரும்பாலான வீடுகளில் வழக்கமாக உள்ளது. அதனை அலங்கரித்து அழைத்து செல்லும்போது பெண்கள் பாதபூஜை செய்து வழிபடுவது சிறப்பான நிகழ்வாகும். கொல்லிமலை வளமும் வனமும் அழியாமல் இருக்கவே பெருமாளை வேண்டி இந்த வழிபாட்டைக் கொண்டாடி மகிழ்கிறோம் என்றாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp