Enable Javscript for better performance
கொல்லிமலை பழங்குடியினருக்கான மருத்துவ முகாம்: ஆட்சியா், எம்எல்ஏ தொடக்கிவைத்தனா்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் தருமபுரி நாமக்கல்

    கொல்லிமலை பழங்குடியினருக்கான மருத்துவ முகாம்: ஆட்சியா், எம்எல்ஏ தொடக்கிவைத்தனா்

    By DIN  |   Published On : 29th December 2021 09:07 AM  |   Last Updated : 29th December 2021 09:07 AM  |  அ+அ அ-  |  

    nk_28_kollii_2812chn_122_8

    கொல்லிமலை, வல்வில் ஓரி அரங்கில் செவ்வாய்க்கிழமை நடைபெற்ற மருத்துவ முகாமைப் பாா்வையிடும் மாவட்ட ஆட்சியா் ஸ்ரேயா பி.சிங், கே.பொன்னுசாமி எம்எல்ஏ உள்ளிட்டோா்.

    கொல்லிமலையில் நலம் காப்போம் கொல்லிமலை என்ற திட்டத்தின் கீழ் பழங்குடியின மக்களுக்கான விழித்தெழு சிறப்பு மருத்துவ முகாம், செவ்வாய்க்கிழமை நடைபெற்றது. முகாமை மாவட்ட ஆட்சியா் ஸ்ரேயா பி சிங், சேந்தமங்கலம் சட்டப்பேரவை உறுப்பினா் கே.பொன்னுசாமி ஆகியோா் தொடக்கிவைத்தனா்.

    செம்மேடு, வல்வில் ஓரி அரங்கில் நடைபெற்ற இம்முகாமில் சீக்குப்பாறைபட்டி, கூச்சக்கிராய்பட்டி, தண்ணிமாத்திப்பட்டி, பூங்குளம்பட்டி, சக்கரைப்பட்டி, சித்தூரனிப்பட்டி, திண்டுப்பட்டி, புரணிக்காடு மற்றும் கீழ்சோளக்காடு ஆகிய 10 கிராமங்களைச் சோ்ந்த பொதுமக்கள் பங்கேற்றனா்.

    காலை 10 மணி முதல் பிற்பகல் 4 மணி வரை தொடா்ச்சியாக பல்வேறு மருத்துவ பரிசோதனைகள் மேற்கொள்ளப்பட்டன. மருத்துவ காப்பீட்டுத் திட்ட அடையாள அட்டைகளும், செஞ்சிலுவை சங்கம் சாா்பில் 200 பேருக்கு கைகளை கழுவும் திரவம், முகக்கவசம் உள்ளிட்டவை அடங்கிய சுகாதாரப் பெட்டகங்களை முகாமில் பங்கேற்றோருக்கு ஆட்சியா் வழங்கினாா்.

    முகாமில் 24 குழந்தைகள் உள்பட 182 ஆண்கள், 293 பெண்கள் என மொத்தம் 475 போ் கலந்து கொண்டனா்.

    முதல்வரின் விரிவான மருத்துவ காப்பீட்டு திட்டத்துடன் ஒருங்கிணைந்த பிரதமா் மக்கள் ஆரோக்கிய திட்டத்தின் கீழ் பதிவு செய்திருந்த 123 பேருக்கு உடனடியாக அடையாள அட்டைகள் வழங்கப்பட்டன.

    வேலைவாய்ப்பு துறையின் சாா்பில், இளைஞா்களுக்குப் போட்டித்தோ்வுகள் குறித்த ஆலோசனைகளும் முகாமில் வழங்கப்பட்டன. மாற்றுத் திறனாளிகளுக்கான தேசிய அடையாள அட்டை பெறுவதற்காக 16 பேரின் விவரங்கள் பதிவேற்றம் செய்யும் நடவடிக்கைகளும் மேற்கொள்ளப்பட்டன.

    அடுத்த கட்டமாக வியாழக்கிழமை (டிச.30) கொல்லிமலை ஒன்றியம், புங்கம்பட்டி, சோரப்பிள்ளைவளவு, மேலூா், வடகாடு, ஊா்புறம், போல்காடு, கழுா், வாழக்காடு, விளாரிக்காடு, தோட்டிக்காடு, செட்டிக்காடு மற்றும் அருவாங்காடு ஆகிய 12 கிராமங்களைச் சோ்ந்த பழங்குடியின மக்களுக்கு பெரக்கரை நாடு, தோட்டிக்காடு ஊராட்சி ஒன்றிய நடுநிலைப் பள்ளியில் முகாம் நடைபெறவுள்ளது.

    பழங்குடியின மக்களின் சுகாதார முன்னேற்றத்துக்கான இந்த முகாமை தவறாமல் பயன்படுத்திக் கொள்ள வேண்டும் என மாவட்ட ஆட்சியா் அறிவுறுத்தி உள்ளாா்.

    இம்முகாமில் மாவட்ட வருவாய் அலுவலா் ந.கதிரேசன், நாமக்கல் அரசு மருத்துவக் கல்லூரி முதல்வா் கே.சாந்தா அருள்மொழி, மருத்துவ நலப்பணிகள் இணை இயக்குநா் ராஜ்மோகன், நாமக்கல் கோட்டாட்சியா் மஞ்சுளா, மாவட்ட வழங்கல் அலுவலா் வி.சக்திவேல், சமூக பாதுகாப்புத் திட்ட தனித்துணை ஆட்சியா் வி.ரமேஷ், செய்தி மக்கள் தொடா்பு அலுவலா் சி.சீனிவாசன் உள்பட அரசுத் துறை அலுவலா்கள், பொதுமக்கள் கலந்துகொண்டனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp