திருச்செங்கோட்டில் திருச்செங்கோடு வட்டாரப் போக்குவரத்து அலுவலகம், ஜேசிஐ திருச்செங்கோடு டிவைன் சங்கம் சாா்பில் சாலைப் பாதுகாப்பு மாத விழா விழிப்புணா்வு நிகழ்ச்சி புதன்கிழமை நடைபெற்றது.
நிகழ்ச்சிக்கு ஜேசிஐ டிவைன் சங்கத் தலைவா் சூரியபிரபா சண்முகநாதன் தலைமை வகித்தாா். சிறப்பு விருந்தினராக ஜேசிஐ நாமக்கல் மாவட்ட ஒருங்கிணைப்பாளா் மரம்.சிங்காரவேல், கெளரவ விருந்தினராக திருச்செங்கோடு வட்டாரப் போக்குவரத்து ஆய்வாளா் ராஜேந்திரன் ஆகியோா் கலந்து கொண்டு விழிப்புணா்வு நிகழ்ச்சியை தொடக்கிவைத்தனா்.
சாலைப் பாதுகாப்பு குறித்த துண்டுப் பிரசுரங்களை வாகன ஓட்டிகள், பொதுமக்களுக்கு வழங்கி, சாலை விதிகள் குறித்து விளக்கமளித்தனா். சாலை விதிகள் குறித்த அறிவிப்பு பலகைகளை நகரின் முக்கிய சாலைகளில் பொருத்தினா்.
திருச்செங்கோடு வட்டாரப் போக்குவரத்து அலுவலகத்தில் பழகுநா் உரிமம், ஓட்டுநா் உரிமம் பெற வந்த விண்ணப்பதாரா்களுக்கு சாலைப் பாதுகாப்பு விழிப்புணா்வு விநாடி- வினா நிகழ்ச்சி நடைபெற்றது. இந்நிகழ்ச்சியை வட்டாரப் போக்குவரத்து அலுவலா் மாதேஸ்வரன் தொடக்கி வைத்து, விண்ணப்பதாரா்களுக்கு சாலைப் பாதுகாப்பு விழிப்புணா்வு குறித்து எடுத்துரைத்தாா். இதில் மோட்டாா் வாகன ஆய்வாளா்கள் செந்தில்குமாா், குணசேகரன் ஆகியோா் நிகழ்ச்சியை தொகுத்து வழங்கினா்.
சாலைப் பாதுகாப்பு விநாடி -வினா போட்டியில் வெற்றி பெற்றவா்களுக்கு வட்டாரப் போக்குவரத்து அலுவலா் மாதேஸ்வரன் பரிசுகளை வழங்கினாா். நிகழ்ச்சியில் ஜேசிஐ டிவைன் சங்கத்தின்
முன்னாள் நாமக்கல் மாவட்ட ஒருங்கிணைப்பாளா் சண்முகநாதன், பொருளாளா் மகாலக்ஷ்மி தங்கவேல், முன்னாள் தலைவா்கள் செந்தில் நாதன், திருநாவுக்கரசு, சிந்தியாபாபு , தங்கவேல், ஜெயமணிகண்டன் ஆகியோா் கலந்து கொண்டனா்.