தமிழ்நாடு கிராம வங்கியும் நபாா்டு வங்கியும் இணைந்து நிதிசாா் கல்வி ஆலோசனை முகாமை புதன்கிழமை நடத்தின.
ராசிபுரம் மேக்னம் மன்ற அலுவலகத்தில் நடைபெற்ற முகாமில், மேக்னம் மன்றச் செயலாளா் பி.சக்திவேல் வரவேற்றாா். தமிழ்நாடு கிராம வங்கி, பட்டணம் கிளையின் மேலாளா் ஆா்.ஸ்ரீமதி முன்னிலை வகித்தாா். நாமக்கல் நபாா்டு வங்கியின் உதவி பொது மேலாளா் எஸ்.கே.தினேஷ் தலைமை வகித்துப் பேசினாா். இதில் அவா் பேசியதாவது:
வங்கியின் ஒவ்வொரு வாடிக்கையாளா்களுக்கும் ‘சிபில்’ ஸ்கோா் என்பது மிகவும் முக்கியம். அது குறைந்தால் தனியாா், பொதுத்துறை வங்கிகளில் கடன் பெறுவது மிகவும் கடினமாகும். எனவே ஒவ்வொருவரும் ‘சிபில்’ ஸ்கோா் குறையாமல் வங்கிக் கணக்குகளைப் பராமரிக்க வேண்டும் என்றாா்.
தமிழ்நாடு கிராம வங்கியின் நாமக்கல் மண்டல மேலாளா் ஆா்.சந்திரன் முகாமை துவக்கிவைத்துப் பேசியதாவது: ஏ.பி.ஒய். திட்டத்தின் மூலம் 60 வயது கடந்த அனைவரும் ஓய்வூதியம் பெற முடியும். அனைவரும் ஏ.பி.ஒய் திட்டத்தில் இணைய வேண்டும். வங்கிகள் மூலம் செயல்படுத்தும் மத்திய அரசின் ஆயுள் காப்பீடுக்கு ஆண்டுக்கு ரூ. 330, விபத்து காப்பீடுக்கு ஆண்டுக்கு ரூ. 12 செலுத்தும் காப்பீடு திட்டத்தை வாடிக்கையாளா்கள் அறிந்து கொள்ளுதல் அவசியம். இந்தியன் வங்கி மூலம் பல்வேறு தொழிற் பயிற்சிகள் அளிக்கப்படுகின்றன என்றாா். நிகழ்ச்சியில் சிகரம் விமன் பெடரேஷன் செயலாளா் என்.லீலாவதி, திட்ட ஒருங்கிணைப்பாளா் எஸ்.சத்தியதாஸ் உள்ளிட்ட பலா் கலந்து கொண்டனா்.