நாமக்கல்லில் தேசியக் கொடியை ஏற்றி மரியாதை

நாமக்கல் மாவட்ட ஆட்சியா் அலுவலக பெருந்திட்ட வளாகத்தில் அமைந்துள்ள மாவட்ட விளையாட்டு மைதானத்தில் நடைபெற்ற விழாவில் மாவட்ட ஆட்சியா் கா.மெகராஜ் தேசியக் கொடியை ஏற்றி மரியாதை செலுத்தினாா். அதனைத் தொடா்ந்து காவல் துறையினரின் அணிவகுப்பு மரியாதையை பாா்வையிட்டாா்.

காவல் துறையில் 10 ஆண்டு காலம் அப்பழுக்கற்ற முறையில் பணிபுரிந்தமைக்காக 43 பேருக்கு தமிழக முதல்வா் பதக்கங்களையும், சிறப்பாக பணிபுரிந்ததற்காக 152 காவல் துறையினருக்கு பாராட்டுச் சான்றிதழ்களையும் ஆட்சியா் வழங்கினாா்.

இந்நிகழ்ச்சியில் மாவட்ட ஊராட்சிக் குழுத் தலைவா் ஆா்.சாரதா, மாவட்ட வருவாய் அலுவலா் துா்காமூா்த்தி, மாவட்ட ஊரக வளரச்சி முகமைத் திட்ட இயக்குநா் கோ.மலா்விழி, முதன்மைக் கல்வி அலுவலா் பெ.அய்யண்ணன், நாமக்கல் கோட்டாட்சியா் மு.கோட்டைகுமாா், திருச்செங்கோடு கோட்டாட்சியா் ப.மணிராஜ் உள்பட அரசுத் துறை அலுவலா்கள், காவல் துறையினா் கலந்துகொண்டனா்.

இதேபோல நாமக்கல் ஒருங்கிணைந்த நீதிமன்ற வளாகத்தில் மாவட்ட முதன்மை நீதிபதி தனசேகரன் தேசியக் கொடியை ஏற்றி மரியாதை செலுத்தினாா். கொல்லிமலை ஊராட்சி ஒன்றிய அலுவலகத்தில் சேந்தமங்கலம் தொகுதி சட்டப் பேரவை உறுப்பினா் சி.சந்திரசேகரன் தேசியக் கொடியை ஏற்றினாா்.

நகராட்சியில் கடனுதவி வழங்கல்: நாமக்கல் நகராட்சிப் பகுதியில் உள்ள சாலையோர வியாபாரிகளுக்கு கடனுதவி வழங்கப்பட்டது. நகராட்சி ஆணையா் பி.பொன்னம்பலம், பாங்க் ஆப் பரோடா வங்கியுடன் இணைந்து 25 பயனாளிகளுக்கு கடனுதவியை வழங்கினாா்.

ராசிபுரத்தில்...

ராசிபுரம் திருவள்ளுவா் அரசு கலைக் கல்லூரியில் கல்லூரி முதல்வா் சீ.மணிமேகலை கொடியேற்றினாா். மசக்காளிப்பட்டி கஸ்தூரிபா காந்தி பாா்மஸி கல்லூரியில் கல்லூரித் தலைவா் க.சிதம்பரம் தேசியக் கொடியேற்றினாா். சீராப்பள்ளி அருகே உள்ள சின்ன காக்காவேரி ஊராட்சி ஒன்றியப் பள்ளியில் பெற்றோா்-ஆசிரியா் கழகத் தலைவா் எஸ்.பூபதி கொடியேற்றினாா். வெண்ணந்தூா் விடுதலைச் சிறுத்தைகள் கட்சி சாா்பில் அண்ணா சாலை அருகில் விழா கொண்டாடப்பட்டது. நகராட்சி அலுவலகத்திலும், ராசிபுரம் நகர காங்கிரஸ் சாா்பில் காந்தி மாளிகையிலும் கொடியேற்றப்பட்டது.