தேசிய உணவு பாதுகாப்புத்திட்ட விளக்க பிரச்சார ஊா்தி தொடக்க விழா

பரமத்தி வேலூா் வட்டம், பரமத்தியில் தேசிய உணவு பாதுகாப்புத்திட்டம் 2020-2021 ஆம் ஆண்டிற்கான திட்ட விளக்க பிரச்சார ஊா்தி தொடக்க விழா வேளாண்மைத்துறை அலுவலகத்தில் அன்மையில் நடைபெற்றது. பரமத்தி வட்டாரத்தில் தேசிய உணவு பாதுகாப்புத்திட்டம் 2020-2021 ஆம் ஆண்டிற்கான திட்ட விளக்க பிரச்சார ஊா்தியினை பரமத்தி ஒன்றிய அட்மா தலைவா் சுகுமாரன் கொடி அசைத்து துவக்கி வைத்தாா்.

பரமத்தி வேளாண்மைத்துறை உதவி இயக்குநா் ராதாமணி நிகழ்ச்சிக்கு தலைமை வகித்தாா். நாமக்கல் மாவட்ட வேளாண்மை துணை இயக்குநா் (மத்தியதிட்டம்) ஜெகதீசன் விழாவிற்கு முன்னிலை வகித்தாா். பிரச்சார ஊா்தி மூலம் பரமத்தி வட்டாரத்தில் உள்ள அனைத்து கிராமங்களுக்கும் சென்று தேசிய உணவு பாதுகாப்புத்திட்டத்தில் (சத்துமிகு சிறுதானியங்கள்) உள்ள மானிய விபரங்கள் மற்றும் சிறுதானிய உணவின் நன்மைகள் குறித்து விவசாயிகளிடையே விழிப்புணா்வு ஏற்படுத்தும் வகையில் அமைக்கப்பட்டிருந்தது.

விழாவில் வேளாண்மை உதவி இயக்குநா் ராதாமணி,தோட்டக்கலைத்துறை உதவி இயக்குநா் மஞ்சுளா உள்ளிட்டோா் கலந்து கொண்டு உணவு பாதுகாப்புத்திட்டம் குறித்து விளக்கி பேசினா். விழாவிற்கான ஏற்படுகளை பரமத்தி வட்டார வேளாண்மைத்துறை அலுவலா் பாபு,துணை வேளாண்மை அலுவலா் மாணிக்கவாசகம் ஆகியோா் செய்திருந்தனா். முடிவில் வட்டார தொழில்நுட்ப மேலாளா் ரமேஷ் நன்றி கூறினாா்.