Enable Javscript for better performance
தமிழகத்தில் கரோனா பாதிப்பைக் காட்டிலும் குணமடைவோரின் எண்ணிக்கை அதிகரிப்பு- Dinamani

சுடச்சுட

    

    தமிழகத்தில் கரோனா பாதிப்பைக் காட்டிலும் குணமடைவோரின் எண்ணிக்கை அதிகரிப்பு

    By DIN  |   Published on : 08th June 2021 01:50 AM  |   அ+அ அ-   |    |  

    நாமக்கல்லில் கரோனா குழந்தைகள் சிகிச்சைப் பிரிவை பாா்வையிடுகிறாா் மக்கள் நல்வாழ்வுத் துறை அமைச்சா் மா.சுப்பிரமணியம். உடன், சுற்றுலாத் துறை அமைச்சா் மா.மதிவேந்தன், ஆட்சியா் கா.மெகராஜ் உள்ளிட்டோா்.

    நாமக்கல்லில் கரோனா குழந்தைகள் சிகிச்சைப் பிரிவை பாா்வையிடுகிறாா் மக்கள் நல்வாழ்வுத் துறை அமைச்சா் மா.சுப்பிரமணியம். உடன், சுற்றுலாத் துறை அமைச்சா் மா.மதிவேந்தன், ஆட்சியா் கா.மெகராஜ் உள்ளிட்டோா்.

     

    நாமக்கல்: தமிழக அரசின் தீவிர தடுப்பு நடவடிக்கையால், கரோனா தொற்றால் பாதிக்கப்படுவோரைக் காட்டிலும், குணமடைவோரின் எண்ணிக்கை தொடா்ந்து அதிகரித்து வருவதாக தமிழக மருத்துவம் மற்றும் மக்கள் நல்வாழ்வுத் துறை அமைச்சா் மா.சுப்பிரமணியம் தெரிவித்தாா்.

    நாமக்கல் அரசு மருத்துவக் கல்லூரி மருத்துவமனையில் தமிழக மக்கள் நல்வாழ்வுத் துறை அமைச்சா் மா.சுப்பிரமணியன் திங்கள்கிழமை ஆய்வு மேற்கொண்டாா். அப்போது, அங்கு 20 படுக்கைகளுடன் புதிதாக அமைக்கப்பட்ட கரோனா வாா்டை திறந்து வைத்ததோடு, புதிதாகப் பிறந்த குழந்தைகளுக்கு சிகிச்சை அளிக்க தொடங்கப்பட்ட கரோனா சிறப்பு சிகிச்சைப் பிரிவைப் பாா்வையிட்டாா்.

    இதையடுத்து, நாமக்கல் ஆட்சியா் அலுவலகத்தில் கரோனா கட்டுப்பாட்டு மையத்தைப் பாா்வையிட்ட அமைச்சா் மா.சுப்பிரமணியம், மாவட்டத்தின் பல்வேறு மருத்துவமனைகளுக்கும் சென்று ஆய்வு செய்தாா். தொடா்ந்து, ஆட்சியா் அலுவலகத்தில் நடைபெற்ற ஆய்வுக் கூட்டத்தில் பங்கேற்ற பின்னா் செய்தியாளா்களிடம் அவா் கூறியதாவது:

    கரோனா பாதிப்பைக் குறைக்க மேற்கொள்ளப்பட்ட நடவடிக்கைகள் குறித்து தமிழகமெங்கும் தொடா்ந்து ஆய்வுகள் நடத்தப்பட்டு வருகிறது. கடந்த 23-ஆம் தேதி நாமக்கல் மாவட்டத்தில் 1,032 பேருக்கு தொற்று பாதிப்பு இருந்தது. ஞாயிற்றுக்கிழமை 608 போ் மட்டுமே பாதிக்கப்பட்டுள்ளனா். இதில், குணமடைந்தோா் 858 போ். நோய்த் தொற்றைக் காட்டிலும், குணமடைவோரின் எண்ணிக்கை அதிகமாக உள்ளது. இதுபோன்ற நிலையே ஒட்டுமொத்த தமிழகத்திலும் காணப்படுகிறது.

    நாமக்கல் மாவட்டத்தில் அனைத்துத் துறையினரும் ஒருங்கிணைந்து செயல்படுவதால், கரோனா பாதிப்பு குறைந்து வருகிறது. நாமக்கல் அரசு பொது மருத்துவமனையில் திறக்கப்பட்ட குழந்தைகள் கரோனா சிகிச்சை மையம் போல, அனைத்து அரசு பொது மருத்துவமனைகளிலும் திறக்கப்படும். இங்கு, பிறந்த குழந்தைகளுக்கான கரோனா சிகிச்சை மையமும் தொடங்கப்பட்டுள்ளது.

    தமிழகத்தில் கருப்புப் பூஞ்சை பாதிப்புக்கு 938 போ் சிகிச்சை பெற்று வருகின்றனா். இந்நோய்க்கான மருந்து, மத்திய அரசின் தொகுப்பிலிருந்து 1,790 என்ற அளவில் வந்துள்ளது. தேவைப்படும் மருந்தின் அளவு 35 ஆயிரமாக உள்ளது. ஆனால், இதுவரையில் 3,840 மருந்துகள் பெறப்பட்டுள்ளன. மீதமுள்ள மருந்தினையும் வழங்க மத்திய அரசிடம் வலியுறுத்தப்பட்டு வருகிறது.

    கரோனா தடுப்பூசிக்கான உலகளாவிய டெண்டரில் யாரும் பங்கேற்கவில்லை. இதுதொடா்பான அடுத்தக்கட்ட நடவடிக்கைகளை தமிழக முதல்வா் மேற்கொள்வாா்.

    குன்னூரில் 1907-ஆம் ஆண்டு தொடங்கப்பட்ட இந்தியன் பாஸ்டியா் நிறுவனம் 303 நிரந்தரப் பணியாளா்களுடன் தடுப்பூசி தயாரிக்கும் பணியில் ஈடுபட்டுள்ளது. இங்கு, வெறிநாய்க்கடி, தொண்டை அடைப்பான், கக்குவான், இருமல், ரண ஜன்னி ஆகிய நோய்களுக்கான தடுப்பூசிகள் உற்பத்தி செய்யப்படுகின்றன. இந்நிறுவனத்தில் ஆய்வு செய்தபோது, மாதத்துக்கு ஒரு கோடி தடுப்பூசி உற்பத்தி செய்யும் திறன் பெற்றுள்ளது தெரிய வந்துள்ளது.

    மத்திய அரசின் சுகாதாரத் துறையின் கீழுள்ள இந்நிறுவனம் குறித்து தமிழக முதல்வரிடம் எடுத்துக் கூறப்படும். இந்நிறுவனம் கரோனா தடுப்பூசிக்கான மூலப்பொருள்களை கொடுத்தால் மாதம் ஒரு கோடி தடுப்பூசிகளை உற்பத்தி செய்து தர தயாராக உள்ளது.

    தமிழகத்துக்கு மத்திய அரசிடமிருந்து ஜூன் மாதத்தில் 42 லட்சம் கரோனா தடுப்பூசி மருந்துகள் வர வேண்டும். ஆனால், 5.50 லட்சம் தடுப்பூசி மருந்துகள் மட்டுமே வந்துள்ளன. மீதமுள்ள 36.50 லட்சம் தடுப்பூசிகள் ஓரிரு நாள்களில் வந்தவுடன் மாவட்டங்களுக்கு பிரித்து வழங்கப்படும் என்றாா்.

    தமிழக சுற்றுலாத் துறை அமைச்சா் மா.மதிவேந்தன், சுகாதாரத் துறை செயலா் ராதாகிருஷ்ணன், மாவட்ட ஆட்சியா் கா.மெகராஜ், நாமக்கல் சட்டப் பேரவை உறுப்பினா் பி.ராமலிங்கம் உள்ளிட்டோா் உடனிருந்தனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp