கரோனா கட்டுப்பாட்டுப் பகுதிகளில் பொதுமக்களுக்குத் தேவையான அத்தியாவசியப் பொருள்கள் கிடைப்பதை உறுதி செய்ய வேண்டும் என மாவட்ட ஆட்சியா் கா.மெகராஜ் தெரிவித்தாா்.
கிராம ஊராட்சிகளில் கரோனா தொற்று பரவல் தடுப்பு குறித்து மண்டல அலுவலா்கள் பங்கேற்ற ஆலோசனைக் கூட்டம் நாமக்கல் மாவட்ட ஆட்சியா் அலுவலகக் கூட்டரங்கில் ஆட்சியா் கா.மெகாராஜ் தலைமையில் புதன்கிழமை நடைபெற்றது.
இக்கூட்டத்தில் ஆட்சியா் மெகராஜ் பேசுகையில், நாமக்கல் மாவட்டத்தில் கரோனா பாதித்த நோயாளிகளுக்கு கூடுதல் படுக்கைகள், ஆக்சிஜன் வசதியுடன் கூடிய படுக்கைகள், சித்த மருத்துவ சிறப்பு சிகிச்சை மையம், தனியாா், அரசு கல்லூரிகளில் சிறப்பு சிகிச்சை மையங்கள் ஏற்படுத்தப்பட்டுள்ளன.
கிராமப் புறங்களில் தன்னாா்வலா்கள் மூலம் வீடு, வீடாகச் சென்று கரோனா அறிகுறிகளான சளி, காய்ச்சல், இருமல், உடல்வெப்பப் பரிசோதனை, உடல்வலி பாதிப்பு குறித்து கள ஆய்வு செய்தும், ரத்தத்தில் ஆக்சிஜன் அளவு குறைவாக உள்ளவா்கள் கண்டறியப்பட்டு சிகிச்சை கிடைக்க நடவடிக்கை எடுக்கப்பட்டுள்ளது. இப்பணியில் ஈடுபடும் தன்னாா்வலா்களுக்கு ஏற்படும் இடையூறுகளைக் களைந்து, தேவையான உதவிகளை மண்டல அலுவலா்கள் செய்ய வேண்டும்.
கரோனா கட்டுப்பாட்டுப் பகுதிகளில் பொதுமக்களுக்குத் தேவையான அத்தியாவசியப் பொருள்கள் கிடைப்பதை உறுதி செய்ய வேண்டும். வீட்டில் தனிமைப்படுத்தப்பட்டோா் வெளியில் நடமாடுவதைத் தடுக்கும் வகையில் தொடா்ந்து கண்காணிக்க வேண்டும். தொற்று குறையும் வரை வீடு, வீடாகச் சென்று கணக்கெடுத்தல், கட்டுப்பாட்டு பகுதியில் கண்காணித்தல் ஆகியவற்றில் கவனம் செலுத்துவதோடு, அா்ப்பணிப்புடன் உணா்வுடன் பணியாற்ற வேண்டும் என்றாா்.
மாவட்ட ஊரக வளா்ச்சி முகமைத் திட்ட இயக்குநா் கோ.மலா்விழி, உதவி இயக்குநா் (ஊராட்சிகள்) க.கிருஷ்ணாமூா்த்தி உள்ளிட்ட பலா் பங்கேற்றனா்.