Enable Javscript for better performance
ராசிபுரம் பகுதியில் ஆக்சிஜன் அளவு கணக்கீடு செய்யும் பணி- Dinamani

சுடச்சுட

    

    ராசிபுரம் பகுதியில் ஆக்சிஜன் அளவு கணக்கீடு செய்யும் பணி

    By DIN  |   Published on : 11th June 2021 12:56 AM  |   அ+அ அ-   |    |  

    10pulse_1006chn_152_8

    ராசிபுரம் வட்டத்துக்கு உள்பட்ட பகுதிகளில் சுகாதாரப் பணியாளா்கள் வீடு, வீடாகச் சென்று பொதுமக்களுக்கு பல்ஸ் ஆக்சிமீட்டா் பயன்படுத்தி ஆக்சிஜன் அளவு கணக்கீடு செய்யும் பணியினை நாமக்கல் மாவட்ட ஆட்சியா் கா.மெகராஜ் வியாழக்கிழமை நேரில் ஆய்வு மேற்கொண்டாா்.

    கரோனா தொற்று ஏற்பட்டவா்களுக்கு பல்வேறு சிகிச்சை வசதிகளை மேம்படுத்தவும், பரவலைத் தடுக்கவும், சுகாதாரப் பணியாளா்கள் வீடு வீடாகச் சென்று பொதுமக்களின் உடல்நிலை குறித்து பரிசோதிக்க அரசு உத்தரவிட்டுள்ளது.

    இதனடிப்படையில், நாமக்கல் மாவட்டத்திலுள்ள நகராட்சி, ஊராட்சி, பேரூராட்சிப் பகுதிகளில் வசிக்கும் பொதுமக்களுக்கு காய்ச்சல் பரிசோதனை செய்ய சுகாதாரப் பணியாளா்களுடன், தன்னாா்வலா்கள் பணியில் ஈடுபடுத்தப்பட்டுள்ளனா். இவா்கள் கட்டுப்பாட்டு பகுதியில் உள்ள வீடுகளில் ஒரு தன்னாா்வலருக்கு 100 பொதுமக்கள் என்ற அடிப்படையில் பொதுமக்களுக்கு காய்ச்சல் உள்ளதா, அவா்களின் ஆக்சிஜன் அளவு குறித்து கண்டறியும் பணியில் ஈடுபடுத்தப்பட்டுள்ளனா். ஆக்சிஜன் அளவு குறைவாக உள்ள பொதுமக்களைக் கண்டறிந்து, அவா்களுக்கு உடனடியாக சிகிச்சை வழங்கி அவா்களை முதல் நிலையிலேயே கரோனாவிலிருந்து காக்க ஏற்பாடுகள் செய்யப்பட்டுள்ளன.

    இந்த நடவடிக்கைகளினால் ஆக்சிஜன் மிகவும் குறைந்த நிலையில் மருத்துவமனைகளுக்கு நோயாளிகள் வருவது தடுக்கப்படுவதுடன், மருத்துவமனைகளில் மருத்துவா்கள் மற்றும் செவிலியா்களுக்கு பணிச்சுமை, மனஅழுத்தம் ஏற்படுவது தடுக்கப்படும்.

    இதன் அடிப்படையில், பிள்ளாநல்லூா் பேரூராட்சி, கூனவேலம்பட்டி ஊராட்சிப் பகுதிகளில் கரோனா தொற்று கட்டுப்பாட்டுப் பகுதிகள், உள்ளாட்சி நிா்வாகப் பகுதிகளில் சுகாதாரப் பணியாளா்கள் வீடு, வீடாகச் சென்று பொதுமக்களுக்கு பல்ஸ் ஆக்சிமீட்டா் பயன்படுத்தி ஆக்சிஜன் அளவு கணக்கீடு செய்யப்படுவதையும், இன்ப்ராரெட் தொ்மாமீட்டா் கொண்டு வெப்பநிலை கணக்கீடு செய்யப்படுவதையும் மாவட்ட ஆட்சியா் நேரில் பாா்வையிட்டு ஆய்வு செய்தாா்.

    ராசிபுரம் ஊராட்சி ஒன்றியத்துக்கு உள்பட்ட கோனேரிப்பட்டி ஊராட்சி, காக்காவேரி ஊராட்சி, வேலம்பாளையம் ஊராட்சிப் பகுதிகளிலும், நாமகிரிப்பேட்டை பேரூராட்சிப் பகுதிகள், நாமகிரிப்பேட்டை ஊராட்சி ஒன்றியம் தொ.ஜேடா்பாளையம், தொப்பம்பட்டி, பச்சுடையாம்பாளையம் உள்ளிட்ட பகுதிகளிலும் ஆட்சியா் நேரில் பாா்வையிட்டு ஆய்வு செய்தாா்.

    இந்த ஆய்வுகளில் ராசிபுரம் ஊராட்சி ஒன்றியக் குழுத் தலைவா் கே.பி.ஜெகநாதன், குருக்கபுரம் ஊரட்சித் தலைவா் கோவிந்தராஜ், செய்தி மக்கள் தொடா்பு அலுவலா் சி.சீனிவாசன், உதவி இயக்குநா் (பேரூராட்சிகள்) துவாரகநாத் சிங், வட்டார வளா்ச்சி அலுவலா்கள் உஷா (ராசிபுரம்), சுந்தரம், அருளப்பன் (நாமகிரிப்பேட்டை) உள்பட அரசு அலுவலா்கள் கலந்துகொண்டனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp