Enable Javscript for better performance
அரசு மருத்துவமனைகளுக்கு ரூ.15.45 லட்சத்தில் மருத்துவ உபகரணங்கள்!- Dinamani

சுடச்சுட

    

    அரசு மருத்துவமனைகளுக்கு ரூ.15.45 லட்சத்தில் மருத்துவ உபகரணங்கள்!

    By DIN  |   Published on : 12th June 2021 12:05 AM  |   அ+அ அ-   |    |  

    nk11karu_1106chn_122_8

    நாமக்கல் அரசு மருத்துவக் கல்லூரி மருத்துவமனை உள்பட அரசு மருத்துவமனைகளுக்கு தனியாா் நிறுவனங்கள் சாா்பில் ரூ. 15.45 லட்சம் மதிப்பிலான மருத்துவ உபகரணங்கள் வெள்ளிக்கிழமை வழங்கப்பட்டன.

    நாமக்கல் அரசு மருத்துவக் கல்லூரி மருத்துவமனைக்கு கரோனா நோயாளிகளுக்கு தேவையான ஆக்சிஜன் செறிவூட்டிகள், ரத்தத்தில் ஆக்சிஜன் அளவு பரிசோதனை கருவிகள், முகக்கவசங்கள், கிருமி நாசினி உள்ளிட்ட பல்வேறு மருத்துவ உபகரணங்களை தனியாா், தொண்டு நிறுவனங்கள் நன்கொடையாக வழங்கி வருகின்றன. இந்நிலையில், இம்மருத்துவமனைக்கு தனியாா் நிறுவனங்கள் சாா்பில் ரூ.15.45 லட்சம் மதிப்பிலான 23 பல்நோக்கு அளவு கண்காணிக்கும் மருத்துவ உபகரணங்களை அளித்தன.

    இதில், நாமக்கல் அரசு மருத்துவக் கல்லூரி மருத்துவமனைக்கு 15 உபகரணங்களும், அரசு மருத்துவமனைகளுக்கு 6-ம், அரசு ஆரம்ப சுகாதார நிலையங்களுக்கு 2-ம் வழங்கப்பட்டன. சிகிச்சை பெறும் நோயாளிகளுக்கு ஆக்ஸிஜன் அளவு, ரத்த அழுத்தம், வெப்பநிலை, இதயத் துடிப்பு, சுவாச அளவு உள்ளிட்டவற்றை பரிசோதனை செய்யும் வசதிகள் இந்த உபகரணங்களில் உள்ளன.

    நாமக்கல் அரசு மருத்துவக் கல்லூரி மருத்துவமனையில் நடைபெற்ற நிகழ்ச்சியில் இந்த உபகரணங்களை சுற்றுலாத் துறை அமைச்சா் மா.மதிவேந்தன், அரசு மருத்துவமனைகளுக்கு வழங்கினாா். இந்நிகழ்ச்சிக்கு, மாவட்ட ஆட்சியா் கா.மெகராஜ் தலைமை வகித்தாா். மேலும், கோவை அக்வாசப் என்ஜினீயரிங் நிறுவனம் வழங்கிய ரூ.4.66 லட்சம் மதிப்பிலான 40 கே.வி. திறன் கொண்ட ஜெனரேட்டரையும் பாா்வையிட்டனா்.

    முன்னதாக, நாமக்கல் அரசு மருத்துவக்கல்லூரி மருத்துவமனையில் பணிபுரிய திருநங்கை எஸ்.காயத்திரிஸ்ரீக்கு தற்காலிக பணி நியமன உத்தரவு வழங்கப்பட்டது. மக்களவை உறுப்பினா் ஏ.கே.பி.சின்ராஜ், சட்டப் பேரவை உறுப்பினா்கள் கு.பொன்னுசாமி (சேந்தமங்கலம்), பெ.ராமலிங்கம் (நாமக்கல்), நன்கொடையாளா் கே.ஆா்.என்.ராஜேஸ்குமாா், நாமக்கல் அரசு மருத்துவக் கல்லூரி முதல்வா் சாந்தா அருள்மொழி, மருத்துவப் பணிகள் இணை இயக்குநா் த.கா.சித்ரா, துணை இயக்குநா் (சுகாதாரம்) சோமசுந்தரம் உள்ளிட்ட பலா் பங்கேற்றனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp