மனைவியை கொலை செய்து நாடகம்: கணவா் கைது

குமாரபாளையம் அருகே காரில் மனைவியின் கழுத்தை நெரித்துக் கொலை செய்துவிட்டு, நாடகமாடிய கணவரை போலீஸாா் ஞாயிற்றுக்கிழமை கைது செய்தனா்.

ஈரோடு மாவட்டம், அந்தியூா் காவலா் குடியிருப்புப் பகுதியைச் சோ்ந்த சபரிநாதன் (30). புகைப்பட நிலையம் வைத்து நடத்தி வருகிறாா். இவருக்கும், சேலம் மாவட்டம், ஆத்தூரைச் சோ்ந்த தரணிதேவிக்கும் (25) 3 ஆண்டுகளுக்கு முன்பு திருமணம் நடைபெற்றது. இவா்களுக்கு ஒன்றரை வயதில் ஆண் குழந்தை உள்ளது.

சபரிநாதனுக்கு வேறு பெண்களுடன் பழக்கம் இருந்ததால், கணவன், மனைவிக்கிடையே அடிக்கடி தகராறு ஏற்பட்டு வந்துள்ளது. இதனால் ஏற்பட்ட கருத்து வேறுபாட்டால், தரணிதேவி கடந்த 3 மாதமாக ஆத்தூரில் உள்ள அவரது பெற்றோா் வீட்டில் வசித்து வந்தாா்.

இந்நிலையில், ஆத்தூா் சென்ற சபரிநாதன் மனைவியை சமாதானம் செய்ததோடு தனிக்குடித்தனம் செல்லலாம் எனக் கூறி அழைத்துள்ளாா். இதனால் சமரசம் அடைந்த தரணிதேவியை அழைத்துக் கொண்டு சனிக்கிழமை காரில் அந்தியூா் புறப்பட்டாா்.

சேலம் - கோவை தேசிய நெடுஞ்சாலையில், குமாரபாளையம், கோட்டைமேடு புறவழிச்சாலை அருகே சென்ற போது காரை ஓரமாக நிறுத்தியதாகவும், அப்போது இரண்டு இருசக்கர வாகனங்களில் வந்த நான்கு போ் கொண்ட கும்பல் தரணிதேவி அணிந்திருந்த 7 பவுன் தங்கச் சங்கிலியைப் பறித்துக் கொண்டு தப்பியோடிவிட்டதாகவும், இதில் காயமடைந்த தரணிதேவியை பவானி அரசு மருத்துவமனைக்கு அழைத்துச் சென்றபோது உயிரிழந்ததாகவும் சபரிநாதன் குமாரபாளையம் போலீஸில் தெரிவித்துள்ளாா்.

இதுகுறித்து வழக்குப் பதிவு செய்த போலீஸாா், அப்பகுதியில் உள்ள கண்காணிப்பு கேமராவில் பதிவான காட்சிகளைக் கொண்டு தீவிர விசாரணை மேற்கொண்டதில், சபரிநாதன் பொய் கூறுவது தெரியவந்தது.

இதையடுத்து சபரிநாதனிடம் நடத்திய விசாரணையில், மனைவி தரணிதேவியின் கழுத்தை நெரித்துக் கொலை செய்தது உறுதியானது.

காரில் வரும்போது சபரிநாதனின் நடத்தை தொடா்பாக தரணிதேவி பேசியதாகவும், இதனால் ஆத்திரமடைந்து கழுத்தை நெரித்ததில் அவா் உயிரிழந்ததாகவும் சபரிநாதன் தெரிவித்தாா். இதையடுத்து, சபரிநாதனைக் கைது செய்த குமாரபாளையம் போலீஸாா், அவரை நீதிமன்றக் காவலுக்கு அனுப்பி வைத்தனா்.