நாமக்கல் மாவட்டத்தில் உள்ள 6 சட்டப்பேரவைத் தொகுதிகளில் திமுக 4 நான்கு இடங்களையும் (திருச்செங்கோடு, ராசிபுரம்- தனி, சேந்தமங்கமலம், நாமக்கல்), அதிமுக 2 இடங்களையும் (பரமத்தி வேலூா், குமாரபாளையம்) கைப்பற்றி உள்ளன.
நாமக்கல் மாவட்டத்தில் ராசிபுரம் (தனி), சேந்தமங்கலம் (எஸ்.டி.), நாமக்கல், பரமத்தி வேலூா், திருச்செங்கோடு, குமாரபாளையம் ஆகிய 6 தொகுதிகள் உள்ளன.
ஏப். 6-ஆம் தேதி நடைபெற்ற சட்டப்பேரவைத் தோ்தலில் இந்த தொகுதிகளில் மொத்தம் 11,55,972 (80.04 சதவீதம்) போ் வாக்களித்தனா்.
மின்சாரத் துறை அமைச்சா் பி.தங்கமணி போட்டியிட்ட குமாரபாளையம் தொகுதியில், திமுக சாா்பில் வெங்கடாசலம், பாஜகவில் இருந்து ஒதுங்கிய ஓம் சரவணா ஆகியோா் தோ்தல் களத்தில் பிரசார ரீதியாக அமைச்சருக்கு கடும் நெருக்கடியைக் கொடுத்தனா். இருப்பினும் 36,000 வாக்குகள் வித்தியாசத்தில் அமைச்சா் தங்கமணி வெற்றி பெற்றாா்.
திருச்செங்கோடு தொகுதியில் கடந்த 2016-இல் வெற்றி பெற்ற பொன்.சரஸ்வதி (அதிமுக), திமுக கூட்டணியில் கொமதேகவின் பொதுச்செயலாளா் ஈ.ஆா்.ஈஸ்வரன் ஆகியோா் போட்டியிட்டனா். வாக்கு எண்ணிக்கையில் அதிமுக, கொமதேக இடையே கடைசி சுற்று வரை கடும் போட்டி நிலவியது. இறுதியாக 2,800 வாக்குகள் வித்தியாசத்தில் ஈஸ்வரன் வென்றாா்.
பரமத்தி வேலூா் தொகுதியில் தற்போதைய திமுக எம்எல்ஏவான கே.எஸ்.மூா்த்தி போட்டியிட்டாா். கடந்த தோ்தலில் 800 வாக்குகள் வித்தியாசத்தில் வெற்றி பெற்ற அவா் இம்முறை அதிக வாக்குகளுடன் வெற்றியை எட்ட வேண்டும் என முயற்சித்தாா். ஆனால் புதுமுக வேட்பாளரான அதிமுகவைச் சோ்ந்த எஸ்.சேகா், முதல் சுற்று முதல் இறுதி சுற்று வரையிலும் முன்னிலை வகித்து வெற்ரி பெற்றாா்.
நாமக்கல் தொகுதியில் இரண்டு முறை எம்எல்ஏவாக இருந்த அதிமுக வேட்பாளா் கே.பி.பி.பாஸ்கா், மூன்றாவது முறையும் தொகுதியைக் கைப்பற்றும் நம்பிக்கையுடன் களம் இறங்கினாா். திமுக வேட்பாளா் பெ.ராமலிங்கமும் தொடா்ந்து தீவிர பிரசாரம் செய்தாா். இறுதியில் 27,861 வாக்குகள் வித்தியாசத்தில் பெ.ராமலிங்கம் வெற்றி பெற்றாா்.
சேந்தமங்கலம் (பழங்குடியினா்) தொகுதியில் எம்எல்ஏவான சி.சந்திரசேகரனுக்கு அதிமுகவில் வாய்ப்பு மறுக்கப்படவே அவா் சுயேச்சையாக களமிறங்கினாா். அதிமுக வேட்பாளராக எஸ்.சந்திரன் களம் இறங்கினாா். வாக்கு எண்ணிக்கையின்போது 10 ஆயிரம் வாக்குகள் வித்தியாசத்தில் அக்கட்சி வேட்பாளரான கே.பொன்னுசாமி வெற்றி பெற்றாா். சந்திரசேகரன் 12 ஆயிரம் வாக்குகளுக்கு மேல் பிரித்ததால் அதிமுகவிடம் இருந்து இந்தத் தொகுதி விலகிப் போய்விட்டது.
ராசிபுரம் தொகுதியில் அதிமுகவின் மூத்த அமைச்சரான வி.சரோஜாவை எதிா்த்து திமுகவைச் சோ்ந்த இளம் மருத்துவரான மா.மதிவேந்தன் நிறுத்தப்பட்டாா். வாக்கு எண்ணிக்கையில் இருவருக்குமே கடும் போட்டி நிலவியது. இறுதியில் 1,800 வாக்குகள் வித்தியாசத்தில் திமுக வேட்பாளா் மதிவேந்தன் வெற்றி பெற்றாா்.
கொங்கு மண்டலத்தில் கடந்த தோ்தலில் அதிமுக பெரும்பான்மையான இடங்களைக் கைப்பற்றியது. குறிப்பாக, நாமக்கல் மாவட்டத்தில் ஆறு தொகுதிகளில் ஐந்தைக் கைப்பற்றியிருந்தது. இந்தத் தோ்தலில் நான்கு தொகுதிகளை திமுகவும், 2 தொகுதிகளை அதிமுகவும் கைப்பற்றி உள்ளன.