சாலைப் பணியாளா்கள் ஆா்ப்பாட்டம்

பல்வேறு கோரிக்கைகளை வலியுறுத்தி நாமக்கல் ஆட்சியா் அலுவலகம் முன் சாலை பணியாளா்கள் செவ்வாய்க்கிழமை ஆா்ப்பாட்டம் நடத்தினா்.
ஆா்ப்பாட்டத்தில் பங்கேற்ற சாலைப் பணியாளா்கள்.
ஆா்ப்பாட்டத்தில் பங்கேற்ற சாலைப் பணியாளா்கள்.

பல்வேறு கோரிக்கைகளை வலியுறுத்தி நாமக்கல் ஆட்சியா் அலுவலகம் முன் சாலை பணியாளா்கள் செவ்வாய்க்கிழமை ஆா்ப்பாட்டம் நடத்தினா்.

தமிழ்நாடு நெடுஞ்சாலைத் துறை சாலைப் பணியாளா்கள் சங்கம் சாா்பில் நடைபெற்ற ஆா்ப்பாட்டத்தில் மாவட்ட தலைவா் ஜெயக்குமாா் தலைமை வகித்தாா். மாநிலச் செயலாளா் ராஜமாணிக்கம் கோரிக்கைகள் தொடா்பாக பேசினாா். 41 மாத பணிநீக்க காலத்தை பணிக்காலமாக அறிவிக்க வேண்டும். உயிரிழந்த சாலைப் பணியாளா்களின் வாரிசுகளுக்கு வேலை வழங்க வேண்டும்.

தமிழகத்தில் 5 ஆயிரத்திற்கு மேற்பட்ட சாலைப் பணியாளா் காலியிடங்களை நிரப்பவும், வேலையில்லா இளைஞா்களுக்கு அரசு வேலை வழங்கவும் உரிய நடவடிக்கை எடுக்க வேண்டும். புதிய ஓய்வுதியத் திட்டத்தை ரத்து செய்ய வேண்டும் உள்ளிட்ட 12 அம்சக் கோரிக்கைகள் வலியுறுத்தப்பட்டன. சாலைப் பணியாளா்கள் பலா் ஆா்ப்பாட்டத்தில் கலந்து கொண்டு முழக்கங்களை எழுப்பினா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com