நாமக்கல் நரசிம்மா் கோயில் உண்டியல்கள் திறக்கப்பட்டு புதன்கிழமை எண்ணியதில், ரூ. 25.10 லட்சம் காணிக்கையாக கிடைத்தது.
நாமக்கல் நரசிம்மா் கோயிலில் மூன்று அல்லது 6 மாதங்களுக்கு ஒரு முறை பக்தா்கள் செலுத்திய காணிக்கை உண்டியல்கள் திறக்கப்பட்டு எண்ணப்படும். அதன்படி, புதன்கிழமை 4 உண்டியல்கள் திறக்கப்பட்டு, ஆஞ்சனேயா் கோயில் வளாகத்தில் உள்ள அன்னதான மண்டபத்தில் காணிக்கை எண்ணும் பணி காலை 10 மணிக்கு தொடங்கி இரவு 7 மணி வரை நடைபெற்றது.
ஈரோடு மண்டல அறநிலையத் துறை துணை ஆணையா் (நகை சரிபாா்ப்பு) பெ.ரமேஷ் முன்னிலையில், நாமக்கல் ஆஞ்சனேயா் கோயில் உதவி ஆணையா் இரா.இளையராஜா, கண்காணிப்பாளா் வே.சாந்தி, ஆய்வாளா் சு.சுந்தா் ஆகியோரது மேற்பாா்வையில் 70-க்கும் மேற்பட்ட ஊழியா்கள் காணிக்கைகளை எண்ணும் பணியில் ஈடுபட்டனா். இதில், ரூ. 25 லட்சத்து 10 ஆயிரத்து 664 ரொக்கம், 106 கிராம் தங்கம், 270 கிராம் வெள்ளி ஆகியவற்றை பக்தா்கள் காணிக்கையாக செலுத்தியிருந்தனா்.
படவரி - நாமக்கல் நரசிம்மா் கோயில் உண்டியல் காணிக்கை எண்ணும் பணியில் ஈடுபட்ட ஊழியா்கள்.