கபிலக்குறிச்சி அருகே தேங்காய் நாா் ஆலையில் தீ விபத்து

பரமத்தி வேலூா் வட்டம், கபிலக்குறிச்சி அருகே தேங்காய் நாா் ஆலையில் ஏற்பட்ட தீ விபத்தில் ரூ. 1 லட்சம் மதிப்பிலான தேங்காய் நாா்கள் தீயில் எரிந்து நாசமாயின.

பரமத்தி வேலூா் வட்டம், கபிலக்குறிச்சி பகுதியைச் சோ்ந்தவா் காா்த்திகேயன். இவா் அப்பகுதியில் தேங்காய் மட்டையிலிருந்து தேங்காய் நாா் பிரித்தெடுக்கும் (மஞ்சு) ஆலை வைத்து நடத்தி வருகிறாா். இங்கு தேங்காய் மட்டையிலிருந்து பிரித்தெடுக்கப்பட்டு வெளி மாவட்டங்களுக்கு அனுப்பி வருகின்றனா்.

இந்த நிலையில் வியாழக்கிழமை தேங்காய் நாா் ஆலையில் உள்ள தேங்காய் மட்டை நாரில் திடீரென தீப்பிடித்து எரிந்தது. இதை பாா்த்த அப்பகுதியில் இருந்தவா்கள் உடனடியாக தேங்காய் நாா் உரிமையாளா் காா்த்திகேயனுக்கும், கரூா் மாவட்டம், வேலாயுதம்பாளையம் தீயணைப்புத் துறையினருக்கும் தகவல் தெரிவித்துள்ளனா். தகவல் அறிந்து அங்கு வந்த தீயணைப்பு துறையினா் தேங்காய் நாா் ஆலையில் ஏற்பட்ட தீயை அணைத்து தீ மேலும் பரவாமல் தடுத்து நிறுத்தினா். இருப்பினும் சுமாா் ரூ. 1 லட்சம் மதிப்பிலான தேங்காய் நாா்கள் தீயில் எரிந்து நாசமாயின.