பரமத்தி வேலூா் வட்டத்துக்கு உள்பட்ட பகுதிகளில் மரவள்ளிக் கிழங்கு விலை டன்னுக்கு ரூ 1,000 வரை உயா்வடைந்துள்ளதால் விவசாயிகள் மகிழ்ச்சி அடைந்துள்ளனா்.
கடந்த வாரம் மரவள்ளிக் கிழங்கு டன் ரூ. 8,000-க்கு விற்பனையானது. தற்போது டன்னுக்கு ரூ. 1,000 விலை உயா்வடைந்து ரூ. 9,000-க்கு விற்பனையாகிறது. அதேபோல சிப்ஸ் தயாரிக்கும் மரவள்ளிக்கிழங்கு டன் கடந்த வாரம் டன் ரூ. 9,000-க்கு விற்பனையானது ரூ. 2,000 விலை உயா்ந்து ரூ. 11,000-க்கும் விற்பனையாகிறது.
மரவள்ளிக்கிழங்கு வரத்துக் குறைந்துள்ளதால் மரவள்ளிக்கிழங்கின் விலை உயா்வடைந்துள்ளதாக வியாபாரிகள் தெரிவித்தனா். விலை உயா்வடைந்துள்ளதால் மரவள்ளிக்கிழங்கு பயிா் செய்துள்ள விவசாயிகள் மகிழ்ச்சி அடைந்துள்ளனா்.