நாமக்கல்: மத்திய அரசு நிதி ஒதுக்கி செயல்படுத்தும் மக்கள் நலத் திட்டங்களை மறைத்து, அவற்றைத் தங்கள் திட்டமாக தமிழக அரசு அறிவித்துக் கொள்வதாக பாஜக மாநில துணைத் தலைவா் கே.பி.ராமலிங்கம் குற்றம்சாட்டினாா்.
நாமக்கல் மாவட்ட பாஜக நிா்வாகிகள் கூட்டம், அதன் தலைவா் என்.பி.சத்தியமூா்த்தி தலைமையில் புதன்சந்தை கிராமத்தில் புதன்கிழமை நடைபெற்றது. கூட்டத்தில் கட்சியின் மாநிலத் துணைத் தலைவா் கே.பி.ராமலிங்கம் பேசியதாவது:
நாடாளுமன்றத் தோ்தலில் பாஜக பெரும்பான்மை இடங்களில் வெற்றி பெற வேண்டும். உள்ளாட்சி அளவில் நியமிக்கப்பட்ட நிா்வாகிகள் தீவிரமாகப் பணியாற்ற வேண்டும். பதவிக்காக அல்லாமல் மக்கள் பணிக்காக முன்வந்து உழைக்க வேண்டும். வரும் 16-ஆம் தேதி கபிலா்மலையில் நடைபெறும் பாஜக பொதுக்கூட்டத்தில் மாநிலத் தலைவா் கே.அண்ணாமலை பங்கேற்க உள்ளாா்.
நாட்டின் ஒற்றுமை, பாதுகாப்பு உள்ளிட்ட நடவடிக்கையால் உலகம் முழுவதும் பிரதமா் மோடியின் செயல்பாடுகள் பலத்த வரவேற்பைப் பெற்றுள்ளன. அவரது வெளிநாட்டுப் பயணம் இந்தியாவின் வளா்ச்சியை நோக்கமாகக் கொண்டுள்ளது.
தமிழக முதல்வா் மக்களின் ஆன்மிக உணா்வுகளை மதிக்கவில்லை. அவா் ஒருபுறம் இந்து மதத்தைச் சாடுகிறாா் அதேசமயம் அவரது மனைவி கோயிலுக்குச் செல்கிறாா். மாநிலங்களவை உறுப்பினா் திருச்சி சிவாவின் மகன் பாஜகவில் இணைந்து விட்டாா்.
மத்திய அரசின் ரேஷன் அரிசி, கரோனா தடுப்பூசி , விவசாய கௌரவ நிதி திட்டம் உள்ளிட்ட பல்வேறு திட்டங்களை மாநில அரசு தங்களது திட்டங்களாகக் கூறுவதை பாஜகவினா் விளக்க வேண்டும். பல்வேறு திட்டங்களுக்கு மத்திய அரசே நிதி அளித்து வந்தாலும், மாநில அரசு தங்களுடைய நிதியைச் செலவிடுவதுபோலத் தெரிவிக்கின்றனா். பாஜக அரசின் நலத் திட்டங்கள் குறித்து மக்களிடையே விழிப்புணா்வு ஏற்படுத்த வேண்டும் என்றாா்.
நிகழ்ச்சியில் பாஜக மாநில துணைத் தலைவா் வி.பி.துரைசாமி, மாநில மருத்துவா் அணி தலைவா் பிரேம்குமாா், நெசவாளா் அணி மாநில தலைவா் பாலமுருகன், மாவட்ட பொதுச் செயலாளா்கள் முத்துகுமாா், நாகராஜன், புதுச்சத்திரம் மண்டல பாா்வையாளா் சதீஷ், ஒன்றியத் தலைவா் வடிவேல், முன்னாள் மாவட்ட தலைவா் நாகராஜன் உள்பட பலா் கலந்து கொண்டனா்.