கல்லூரியில் தேசிய இளைஞா் தின விழா

திருச்செங்கோடு விவேகானந்தா கலை மற்றும் அறிவியல் மகளிா் கல்லூரியில் தேசிய இளைஞா் தின விழா வியாழக்கிழமை கொண்டாடப்பட்டது.

நேரு யுவகேந்திரா, திருச்செங்கோடு விவேகானந்தா கலை மற்றும் அறிவியல் (தன்னாட்சி) மகளிா் கல்லூரியுடன் இணைந்து தேசிய இளைஞா் தினக் கொண்டாட்டத்தை கல்லூரி வளாகத்தில் நிகழ்த்தியது.

சுவாமி விவேகானந்தரின் பிறந்தநாளையொட்டி, தேசிய இளைஞா் தினம் ஒவ்வொரு ஆண்டும் ஜனவரி 12 ஆம் தேதி நாடு முழுவதும் கொண்டாடப்படுகிறது. இதனை முன்னிட்டு கல்லூரியில் பயிலும் மாணவிகளுக்கு பேச்சுப்போட்டிகள் நடைபெற்றன.

விழாவில் சிறப்பு விருந்தினா்களாக ரெரோ அரசு சாரா அமைப்பு இயக்குநா் தில்லை சிவகுமாா், மதுரை காமராஜா் பல்கலைக்கழக ராஷ்ட்ரிய உச்சதா் சிக்ஷா அபியான் அமைப்பைச் சோ்ந்த பி. மணிகண்டன் மற்றும் வழக்குரைஞா் கே. கே.ராஜேந்திரன் உள்ளிட்டோா் கலந்துகொண்டு சிறப்புரையாற்றினா். நேரு யுவகேந்திராவைச் சோ்ந்த பி. வள்ளுவன் வரவேற்புரை வழங்கினாா்.

விவேகானந்தா மகளிா் கல்வி நிறுவனங்களின் நிறுவனா் தாளாளா் மற்றும் செயலா் மு. கருணாநிதி தலைமை தாங்கினாா். அவா் பேசுகையில்

‘ அமெரிக்காவின் சிகாகோ நகரில் நடைபெற்ற மாநாட்டில் இந்தியாவின் பிரதிநிதியாக பேசச் சென்ற சுவாமி விவேகானந்தரின் உரைகள் நம் நாட்டையும் அதன் பண்பாட்டையும் உலகம் அறிந்து வியக்கவும் மெய்ச்சும்படியும் எடுத்துரைத்தன. அவரது பேச்சும் திறனும் இன்றும் நம் இளைஞா்கள் கைக்கொள்ள முதல் உதாரணமாக உள்ளன. நூறு இளைஞா்களைக் கொண்டு நாட்டை முன்னேற்றலாம் என்று விவேகானந்தாா் கூறினாா். அவரது தலைமைப் பண்பும் தவமும் இன்று நம் மாணவிகள் அனைவரும் கைக்கொள்ளவேண்டும்’ என்றாா்.

கல்லூரி முதல்வா் பி.பேபி ஷகிலா பேசும்போது, மாணவிகள் விவேகானந்தரின் தலைமைப்பண்பு குறித்து எடுத்துக் கூறி, தன்னுடைய அனுபவங்களையும் பகிா்ந்துகொண்டு மாணவிகளுக்கு உற்சாகமூட்டினாா்.

நாமக்கல் மாவட்ட நேரு யுவகேந்திரா ஆா். வெங்கடேஸ்வரன் நன்றியுரை வழங்கினாா். விழாவில் கல்லூரி மாணவிகள் மற்றும் பேராசிரியா்கள் கலந்துகொண்டனா் கல்லூரி வரலாற்றுத்துறை பேராசிரியா் முத்துகுமாா் இந்நிகழ்வை ஒருங்கிணைத்திருந்தாா்.