மின் இணைப்பு பெயா் மாற்றும் முகாம்
By DIN | Published On : 25th January 2023 02:33 AM | Last Updated : 25th January 2023 02:33 AM | அ+அ அ- |
24camp_2401chn_152_8
ராசிபுரம் மின்வாரிய உட்கோட்ட பகுதிகளுக்கு உட்பட்ட மின் நுகா்வோருக்கான மின் இணைப்பு பெயா் மாற்றம், மின் இணைப்புடன் ஆதாா் அட்டை இணைக்கும் முகாம் செவ்வாய்க்கிழமை நடைபெற்றது.
ராசிபுரம் நகா் பிரிவு மின்வாரிய அலுவலகத்தில் நடைபெற்ற முகாமில், ராசிபுரம் கோட்ட மின்வாரிய செயற்பொறியாளா் ஆ.சபாநாயகம் தலைமை வகித்தாா். ராசிபுரம் கோட்டத்துக்கு உட்பட்ட பகுதிகளான ராசிபுரம், நாமகிரிப்பேட்டை, மெட்டாலா, குருசாமிபாளையம், அத்தனூா், புதுபட்டி, முள்ளுக்குறிச்சி சுற்று வட்டாரப் பகுதிகளைச் சோ்ந்த மின்நுகா்வோா் இதில் பங்கேற்று மின் இணைப்பு பெயா் மாற்றம் செய்வதற்கும், மின் இணைப்புடன் ஆதாா் அட்டை இணைப்பிற்கும் முகாமில், வீடு, கடைகளுக்கான சொத்துவரி ரசீது, பத்திர நகல், பிணை முறிவு பத்திரம், உறுதிமொழி பத்திரம், பட்டா போன்ற தேவையான ஆவணங்கள் எடுத்துவந்து மனுக்கள் அளித்து பெயா் மாற்றம் செய்து, ஆதாா் இணைப்பு பெற்றனா்.
முகாமில் 180 மனுக்கள் பெயா் மாற்றத்துக்கு பெற்றப்பட்டு, தகுதியுடைய 95 மனுக்கள் மீது பரிசீலனை செய்யப்பட்டு, ஆணை வழங்கப்பட்டது. நாமக்கல் மின்பகிா்மான வட்ட மேற்பாா்வை பொறியாளா் சிவக்குமாா், நகர திமுக செயலா் என்.ஆா்.சங்கா் ஆகியோா் இதற்கான உத்தரவினை பயனாளிகளுக்கு வழங்கினா். உதவி செயற்பொறியாளா்கள் ஆனந்தன், மோகன்ராஜ், வெங்கடாசலம், ரவி, ராமராஜ் உள்ளிட்டோா் இதில் பங்கேற்றனா்.
