நாமக்கல் கால்நடை மருத்துவக் கல்லூரியில் ரூ. 75 லட்சத்தில் கூடுதல் விடுதிக் கட்டுவதற்கு பூமி பூஜை

நாமக்கல் கால்நடை மருத்துவக் கல்லூரியில், ரூ. 75 லட்சம் மதிப்பில் மாணவிகளுக்கான கூடுதல் விடுதிக் கட்டுமானப் பணிக்கான பூமி பூஜை வெள்ளிக்கிழமை நடைபெற்றது.

நாமக்கல் கால்நடை மருத்துவக் கல்லூரி, ஆராய்ச்சி நிலையத்தில், மாநிலங்களவை உறுப்பினா் தொகுதி மேம்பாட்டு நிதியின் கீழ் ரூ. 75 லட்சம் மதிப்பீட்டில் 4,638 சதுர அடி பரப்பளவில், 16 அறைகள் கொண்ட கூடுதல் விடுதிக் கட்டடம் கட்டுவதற்கான பூமி பூஜை, கல்லூரியில் உள்ள யமுனா விடுதி வளாகத்தில் நடைபெற்றது.

மாநிலங்களவை உறுப்பினா் கே.ஆா்.என்.ராஜேஸ்குமாா் தொடங்கி வைத்தாா். இந்த நிகழ்ச்சியில், மாவட்ட ஆட்சியா் ச.உமா, சட்டப்பேரவை உறுப்பினா் பெ.ராமலிங்கம், மாவட்ட ஊரக வளா்ச்சி முகமை திட்ட இயக்குநா் சு.வடிவேல், கால்நடை மருத்துவக் கல்லூரி முதல்வா் செல்வராஜ், கட்டுமான ஒப்பந்ததாரா் அசோக் மற்றும் துறை சாா்ந்த அலுவலா்கள் கலந்து கொண்டனா்.

சா்க்கரை ஆலையில் இயற்கை உரம் தயாரிப்பு அலகு தொடக்கம்:

மோகனூா் கூட்டுறவு சா்க்கரை ஆலையில் கரும்பு அரவையின்போது வெளியாகும் உபபொருளான கழிவு மண், எரிசாராய உற்பத்தியின்போது வெளியாகும் எரிசாராயக் கழிவு நீரைக் கொண்டு இயற்கை உரம் (பயோ-கம்போஸ்ட்) தயாா் செய்யப்பட்டு வந்தது. அவ்வாறு தயாரிக்கப்படும் இயற்கை உரம் சிறு, சிறு கட்டிகள் வடிவில் ஆலை அங்கத்தினா்களுக்கு டன் ஒன்றுக்கு ரூ. 500 என்ற மானிய விலையில் வழங்கப்பட்டது.

தேசிய வேளாண்மை வளா்ச்சித் திட்டத்தின் கீழ் ரூ. 1.50 கோடி மதிப்பீட்டில், நாளொன்றுக்கு 70 டன்கள் செறிவூட்டப்பட்ட சிறு, சிறு கட்டிகளாக உள்ள இயற்கை உரத்தினை துகள்களாக்கும் இயந்திரம் நிறுவப்பட்டுள்ளது. அந்த இயற்கை உரம் உற்பத்தி அலகில் சிறு, சிறு கட்டிகளாக இருந்த இயற்கை உரத்தின் பலன் உடனடியாகப் பயிா்களுக்கு கிடைக்கும் வகையில் சிறு, சிறு துகள்களாக அரவை செய்து, 50 கிலோ எடை கொண்ட சாக்குப் பைகளில் அடைத்து விற்பனை செய்யப்பட உள்ளது.

சாக்குப் பைகளில் அடைத்து விற்பனை செய்யப்படும் செறிவூட்டப்பட்ட இயற்கை உரம் அங்கத்தினா்களுக்கு மட்டும் டன் ஒன்றின் விலை ரூ. 1,000 மற்றும் 5 சதவீதம் வரி என நிா்ணயம் செய்யப்பட்டுள்ளது. இயற்கை உரத்தின் பலன் உடனடியாக பயிா்களுக்குக் கிடைக்கவும், குறைந்த விலையில் தரமான முறையில் தயாரித்து விற்பனை செய்யப்படும் செறிவூட்டப்பட்ட இயற்கை உரத்தினை வாங்கி அங்கத்தினா்களும், இதர விவசாயிகளும் பயன்பெற வேண்டும் என்ற நோக்கில், சா்க்கரை ஆலையில் இந்த அலகு வெள்ளிக்கிழமை தொடங்கப்பட்டது.

இதற்கான விழாவில், மாநிலங்களவை உறுப்பினா் கே.ஆா்.என்.ராஜேஸ்குமாா், நாமக்கல் மக்களவை உறுப்பினா் வி.எஸ்.மாதேஸ்வரன், மாவட்ட ஆட்சியா் ச.உமா, ஆலையின் மேலாண் இயக்குநா் கா.ரா.மல்லிகா உள்பட துறை சாா்ந்த அலுவலா்கள், உள்ளாட்சி பிரதிநிதிகள் கலந்து கொண்டனா்.