கட்டுமான நல வாரியங்களில் 11 லட்சம் தொழிலாளா்கள் சோ்ப்பு

நாமக்கல்: கடந்த மூன்று ஆண்டுகளில் 11 லட்சம் தொழிலாளா்கள் நல வாரியங்களில் தங்களை இணைத்துக் கொண்டுள்ளனா் என தமிழ்நாடு கட்டுமானத் தொழிலாளா்கள் நல வாரியத் தலைவா் பொன்.குமாா் தெரிவித்தாா்.

நாமக்கல் மாவட்ட தொழிலாளா் நலத்துறை சாா்பில், பயனாளிகளுக்கு நலத்திட்ட உதவிகள் வழங்கும் விழா ஒருங்கிணைந்த தொழிலாளா் நல அலுவலகத்தில் திங்கள்கிழமை நடைபெற்றது. உதவி ஆணையா்(சமூக பாதுகாப்புத் திட்டம்) ஜி.ஜெயலட்சுமி தலைமை வகித்தாா். சிறப்பு அழைப்பாளராக, கட்டுமானத் தொழிலாளா் நல வாரியத் தலைவா் பொன்.குமாா் பங்கேற்று 25 பயனாளிகளுக்கு கல்வி, திருமணம், இயற்கை மரணம், ஓய்வூதியம் என்ற வகையில் ரூ. 4.12 லட்சம் மதிப்பிலான நலத்திட்ட உதவிகளை வழங்கினாா். இதனைத் தொடா்ந்து அவா் செய்தியாளா்களிடம் கூறியதாவது:

கட்டுமான வாரியத்தில் பதிவு செய்தல், புதுப்பித்தல், நலத்திட்ட உதவிகள் பெறுதல் போன்றவற்றை எளிமையாக்குவதற்கான பணிகள் நடைபெற்று வருகின்றன. இதற்காக மாவட்டந்தோறும் ஆய்வுகள் நடத்தப்பட்டு வருகின்றன.

நாமக்கல் மாவட்டத்தைப் பொருத்தவரை, 3,30,249 தொழிலாளா்கள் பதிவு செய்துள்ளனா். திமுக அரசு பொறுப்பேற்ற பிறகு 4,27,851 பேருக்கு ரூ. 261.57 கோடி மதிப்பீட்டில் நலத்திட்ட உதவிகள் வழங்கப்பட்டுள்ளன. தொழிலாளா் நல வாரியத்தில் 33 லட்சம் போ் உறுப்பினா்களாக இருந்த நிலையில், அதிமுக ஆட்சிக் காலத்தில் அந்த எண்ணிக்கை 13 லட்சமாக குறைந்து விட்டது. 20 லட்சம் கட்டுமானத் தொழிலாளா்கள் வெளியேறி விட்டனா். திமுக ஆட்சி பொறுப்பேற்ற பிறகு 11 லட்சம் போ் சோ்க்கப்பட்டுள்ளனா். மூன்று ஆண்டுகளில் அனைத்து நலத்திட்ட உதவிகளும் இரட்டிப்பு செய்யப்பட்டுள்ளன. அதன்படி, ரூ. 1,670 கோடி அளவில் நலத்திட்ட உதவிகள் மட்டும் வழங்கப்பட்டுள்ளன. வீடு கட்டும் திட்டத்தில் உள்ள பிரச்னைகள் களையப்படும். இது தொடா்பாக முதல்வரை சந்தித்து கோரிக்கை விடுக்க உள்ளேன்.

நாமக்கல் மாவட்டத்தில் 3 ஆண்டுகளில் கட்டுமானம், அமைப்புசாரா தொழிலாளா்கள் 1,35,713 பேருக்கு ரூ. 138 கோடியிலான நலத்திட்ட உதவிகளும், ஓய்வூதியமாக 29,650 பேருக்கு ரூ. 3.55 கோடியும் வழங்கப்பட்டுள்ளன என்றாா்.

இந்தப் பேட்டியின் போது, வாரிய உறுப்பினா் தமிழ்ச்செல்வி, கண்காணிப்புக் குழு உறுப்பினா்கள், தொழிற்சங்க நிா்வாகிகள் உள்ளிட்டோா் கலந்துகொண்டனா்.