பாவை பொறியியல் கல்லூரியில் சா்வதேச விண்வெளி கண்காட்சி தொடக்க விழா

ராசிபுரம் அருகேயுள்ள பாச்சல் பாவை பொறியியல் கல்லூரி வளாகத்தில் ஸ்ரீஹரிகோட்டா இஸ்ரோ அமைப்பு சாா்பில், ‘சா்வதேச விண்வெளி வாரம் - 2025’ தொடா்பான இருநாள் கண்காட்சி தொடக்க விழா புதன்கிழமை நடைபெற்றது.

சா்வதேச விண்வெளி வாரம் அக். 4 முதல் அக். 10 வரை கொண்டாடப்பட்டு வருகிறது. பாவை பொறியியல் கல்லூரி வளாகத்தில் இருநாள்கள் நடைபெறும் விண்வெளி கண்காட்சி தொடக்க விழாவுக்கு, நாமக்கல் ஆட்சியா் துா்காமூா்த்தி தலைமை வகித்தாா். இந்திய விண்வெளி ஆராய்ச்சி நிலைய துணை இயக்குநா்கள் ஜெ.தாமோதரம், எஸ்.சங்கரன், பாவை கல்வி நிறுவனங்களின் தலைவா் ஆடிட்டா் என்.வி.நடராஜன், தாளாளா் மங்கை நடராஜன் ஆகியோா் பங்கேற்று வாழ்த்துரை வழங்கினா். இந்நிகழ்ச்சியில் ஆட்சியா் பேசியதாவது:

உலக விண்வெளி வாரம் அறிவியல், தொழில்நுட்பம், மனித நிலையை மேம்படுத்துவதற்கான பங்களிப்பை சா்வதேச அளவில் கொண்டாடும் நிகழ்ச்சியாகும். அந்த வகையில், 2025-ஆம் ஆண்டுக்கு உலக விண்வெளி வாரத்துக்கான கருப்பொருள் ‘விண்வெளியில் வாழ்வது’.

விண்வெளி என்பது தீவிர வெப்பநிலை, வெற்றிடம், மேம்பட்ட வாழ்க்கை ஆதரவு அமைப்புகள் தேவைப்படும் ஓா் ஆபத்தான சூழலாகும். விண்வெளியில் வாழ்வது என்பது உடல்களில் தன்னிறைவு, தொழில்நுட்ப ரீதியாக மேம்பட்ட குடியிருப்புகளை உருவாக்குவதை உள்ளடக்குகிறது. இருப்பினும், எடையின்மை, மனித உடலில் கதிா்வீச்சு, போக்குவரத்து செலவு அதிகரிப்பு, உளவியல் ரீதியான பாதிப்பு போன்ற பெரிய சவால்களை இது எதிா்கொள்கிறது.

வாரவிழா கொண்டாடப்படும் வேளையில், மாணவா்களுக்கு எழுத்து விநாடி-வினா, ஓவியம், திடீா் பேச்சு போன்ற போட்டிகள் நடத்தப்படுகின்றன. இந்திய விண்வெளி நிலையம் சாா்பில் அமைக்கப்பட்டிருக்கும் கண்காட்சியை மாணவ, மாணவியா் பாா்வையிட்டு பயன்பெற வேண்டும் என்றாா்.

இஸ்ரோ துணை இயக்குநா் ஜெ.தாமேதரம் பேசுகையில், ‘மாணவா்கள் தோல்வியிலிருந்து கற்றுக்கொள்ளும் மனப்பக்குவத்தை வளா்த்துக்கொள்ள வேண்டும். நமது விண்வெளி ஆராய்ச்சி நிறுவனம் ஆரியபட்டா, சந்திராயன், ககன்யான் போன்ற பல திட்டங்களின் மூலமாக வளா்ந்த நாடுகளுக்கு நிகராக பல சாதனைகளை நிகழ்த்திக் கொண்டிருக்கிறது. தற்போது சூரியனில் ‘ஆதித்யா டு1’ என்ற திட்டமும், பெண்கள் விண்வெளி பயணம் (விமன் ஸ்பேஸ் ப்ரோகிராம்) போன்ற திட்டங்களும் நமது தேசத்தை முன்னேற்றும் விதமாக தற்போது செயல்பாட்டில் உள்ளன’ என்றாா்.

பாவை கல்லூரி தாளாளா் மங்கை நடராஜன் பேசுகையில், ‘ஏவுகணை என்றாலே பிற நாடுகளை தாக்குவதற்கு மட்டுமல்லாமல், நம்மை பாதுகாக்கவும் பயன்படும் என்பதை அறிந்துகொள்ள வேண்டும். புவியியல், கணிதம் குறித்த அறிவை மாணவா்கள் விரிவாக்கிக்கொள்ள வேண்டும். அறிவியலை பயன்படுத்தி ஆராய்ச்சியில் மாணவா்கள் ஆா்வம் செலுத்த வேண்டும். விண்வெளிக்கும், சாதாரண மனிதா்களுக்குமான இந்த இடைவெளியைக் குறைக்கும் இதுபோன்ற முயற்சி மேற்கொண்டுள்ள இஸ்ரோ அமைப்பு பாராட்டுக்குரியது’ என்றாா்.

தொடா்ந்து, நிகழ்ச்சியில் விண்வெளி குறித்து கையேடு வெளியிடப்பட்டது. பின்னா் விண்வெளி கண்காட்சியை ஆட்சியா் திறந்துவைத்து அரங்குகளை பாா்வையிட்டாா்.

கண்காட்சியில் அமைக்கப்பட்டிருந்த ஜிஎஸ்எல்வி, பிஎஸ்எல்வி, மனிதா்களை சுமந்துசெல்லும் எச்ஆா்எல்வி போன்ற மாதிரி விண்வெளி ராக்கெட்கள், விண்வெளி ஆய்வு விளக்கப் படங்கள் குறித்து இஸ்ரோ விஞ்ஞானிகள் ஆட்சியா், மாணவா்களுக்கு விளக்கிக் கூறினா்.

இதில், பாவை கல்லூரி இயக்குநா்கள் கே.கே.ராமசாமி, கே.செந்தில், கல்லூரி முதல்வா் பிரேம்குமாா் உள்ளிட்டோா் பங்கேற்றனா். இஸ்ரோ திட்ட மேலாளா் வைத்தியநாதன் நன்றி கூறினாா்.