நாமக்கல் வேளாண் சங்கத்தில் ரூ. 23 லட்சத்துக்கு பருத்தி ஏலம்

நாமக்கல் வேளாண் சங்கத்தில் ரூ. 23 லட்சத்துக்கு பருத்தி ஏலம் நடைபெற்றது.

நாமக்கல் - திருச்செங்கோடு சாலையில் தொடக்க வேளாண் உற்பத்தியாளா்கள் கூட்டுறவு விற்பனை சங்கம் செயல்பட்டு வருகிறது. இங்கு வாரந்தோறும் செவ்வாய்க்கிழமை பருத்தி ஏலம் நடைபெறுவது வழக்கம்.

அந்த வகையில், மொத்தம் 31.32 மெட்ரிக் டன் கொண்ட 980 மூட்டைகள் பருத்தி வரத்து இருந்தன. இதில், ஆா்சிஹெச் ரகம் குவிண்டாலுக்கு ரூ. 7,520 முதல் ரூ. 8,099 வரை, மட்ட ரகம் ரூ. 4,099 முதல் 4,499 வரை என மொத்தம் ரூ. 23 லட்சத்துக்கு பருத்தி ஏலம் போனது.