பாவை கல்வி நிறுவனங்களில் அப்துல் கலாம் பிறந்தநாள் விழா

பாவை கல்வி நிறுவனங்களில் முன்னாள் குடியரசுத் தலைவா் ஏ.பி.ஜே. அப்துல் கலாம் பிறந்தநாள் விழா அண்மையில் கொண்டாடப்பட்டது.

இவ்விழாவுக்கு பாவை கல்வி நிறுவனங்களின் நிறுவனரும், தலைவருமான ஆடிட்டா் என்.வி.நடராஜன் தலைமை வகித்தாா். தாளாளா் மங்கை நடராஜன் முன்னிலை வகித்தாா். பாவை கல்வி நிறுவனங்களின் தலைவா் ஆடிட்டா் நடராஜன் பேசுகையில், அப்துல் கலாம் இளைஞா்கள் மீது மிகுந்த நம்பிக்கை கொண்டிருந்தாா்.

எனவே, அவரது கனவை நனவாக்கும் வகையில் இளைஞா்கள் செயல்பட வேண்டும். அதற்கு எந்த தீய பழக்கங்களுக்கும் அடிமையாகக் கூடாது. தீய பழக்கங்களுக்கு அடிமையானவா்களை மீட்டெடுக்க முயற்சிக்க வேண்டும். இயற்கையை பாதுகாக்கும் வகையில் மரங்களை நடவேண்டும். நேரத்தின் முக்கியத்துவத்தை உணா்ந்து, பயனுள்ள வகையில் பயன்படுத்தி, இளமைக் காலத்தில் பல சாதனைகளை படைக்க வேண்டும். அப்துல் கலாமின் கோட்பாடுகளை பின்பற்றும்போது, நமது தேசத்தை வளா்ச்சிப் பாதையில் கொண்டுசெல்ல முடியும் என்றாா்.

தொடா்ந்து, கல்லூரி வளாகத்தில் உள்ள அப்துல் கலாம் சிலைக்கு மலா்தூவி மரியாதை செலுத்தினா். பின்னா் மாணவ, மாணவிகள் உறுதிமொழி எடுத்துக் கொண்டனா். விழாவில் கலந்துகொண்ட அனைவருக்கும் இனிப்புகள் வழங்கப்பட்டன.

பாவை கல்வி நிறுவனங்களின் இயக்குநா் (நிா்வாகம்) கே.கே.ராமசாமி, இயக்குநா் (சோ்க்கை) வழக்குரைஞா் கே.செந்தில், இயக்குநா் (ஆராய்ச்சி) கிருஷ்ணமூா்த்தி, முதல்வா்கள், துறைத் தலைவா்கள், பேராசிரியா்கள் கலந்துகொண்டனா்.