பராமரிப்புப் பணிகள் காரணமாக சேலத்தில் இருந்து கோவைக்கு இயக்கப்படும் பயணிகள் ரயில் சனிக்கிழமை (டிச.8) முதல் 11 நாள்களுக்கு ரத்து செய்யப்படுகிறது.
சேலம் ரயில்வே கோட்டத்துக்கு உள்பட்ட ஈரோடு -திருப்பூர் இடையே பராமரிப்புப் பணிகள் காரணமாக சேலம் - கோவை இடையே இயக்கப்பட்டுவரும் பயணிகள் ரயில் (வண்டி எண் 66602, 66603) டிச.8 ஆம் தேதி முதல் டிச.18 ஆம் தேதி வரை 11 நாள்களுக்கு முழுமையாக ரத்து செய்யப்படுகிறது.
வண்டி எண் 56713 திருச்சி - பாலக்காடு இடையே இயக்கப்படும் ரயில் கரூர் - ஈரோடு மார்க்கத்தில் டிச.8, 10, 16 ஆகிய மூன்று நாள்களுக்கு 40 நிமிடங்கள் வரையும், டிச.9, 11, 12, 13, 14, 17 ஆகிய தேதிகளில் 30 நிமிடங்கள் வரையும் நின்று செல்லும்.
வண்டி எண் 22619 பிலாஸ்பூர் - திருநெல்வேலி ரயில், ஜோலார்பேட்டை- ஈரோடு மார்க்கத்தில் டிச.12 ஆம் தேதி 40 நிமிடங்கள் நின்று செல்லும் என சேலம் ரயில்வே கோட்டம் வெள்ளிக்கிழமை வெளியிட்ட செய்திக்குறிப்பில் தெரிவிக்கப்பட்டுள்ளது.