நாமக்கல் மக்களவைத் தொகுதிக்குள்பட்ட சங்ககிரி சட்டப்பேரவையில் உள்ள வாக்காளர்களுக்கான வாக்குச்சாவடி சீட்டு வழங்கும் பணியில் வாக்குச்சாவடி நிலைய அலுவலர்கள் திங்கள்கிழமை ஈடுபட்டனர்.
நாமக்கல் மக்களவைத் தொகுதிக்குள்பட்ட சங்ககிரி சட்டப்பேரவையில் சங்ககிரி, மகுடஞ்சாவடி, தாரமங்கலம் ஆகிய ஊராட்சி ஒன்றியங்களும், சங்ககிரி, தேவூர், அரசிராமணி, இளம்பிள்ளை, இடங்கணசாலை தாரமங்கலம் ஆகிய பேரூராட்சி பகுதிகளும் உள்ளன.
இத் தொகுதியில் தேர்தல் ஆணையத்தின் சார்பில் அறிவிக்கப்பட்ட சிறப்பு முகாமிற்கு பின்னர் 1,33,782 ஆண் வாக்காளர்களும், 1,29,540 பெண்வாக்காளர்களும், 13 இதர வாக்காளர்கள் உட்பட மொத்தம் 2,63,335 பேர் நடைபெற உள்ள மக்களவைத் தேர்தலில் வாக்களிக்க உள்ளனர்.
சங்ககிரி சட்டப்பேரவை தொகுதிகளில் 311 வாக்குச் சாவடிகள் அமைக்கப்பட்டுள்ளன. இவ் வாக்குச் சாவடி பகுதிகளில் உள்ள வாக்காளர்களுக்கான வாக்குச் சாவடி சீட்டுகளை வழங்கும் பணியில் வாக்குச் சாவடி நிலைய அலுவலர்கள் ஈடுபட்டு வருகின்றனர்.