Enable Javscript for better performance
சேலத்தில் குற்றச் சம்பவங்களை தடுக்க 16,500 கண்காணிப்பு கேமராக்கள்- Dinamani

சுடச்சுட

    

    சேலத்தில் குற்றச் சம்பவங்களை தடுக்க 16,500 கண்காணிப்பு கேமராக்கள்

    By DIN  |   Published on : 04th December 2019 07:48 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-8-sl03dcop_0312chn_121

    விழிப்புணா்வு ஏற்படுத்தும் வகையில் குறும்படம் எடுத்த மாணவா்களுக்கு பரிசு வழங்கும் மாநகர காவல் ஆணையா் த.செந்தில்குமாா்.

    சேலத்தில் குற்றச் சம்பவங்களை தடுக்க 16,500 சிசிடிவி கேமராக்கள் பொருத்தப்பட்டுள்ளதாக மாநகர காவல் ஆணையா் த.செந்தில் குமாா் தெரிவித்தாா்.

    சேலம் மாநகர காவல் துறை சாா்பில் சின்ன திருப்பதி பகுதியில் உள்ள தனியாா் கல்லூரியில் ஹெல்மெட் மற்றும் பெண்களுக்கு எதிரான குற்றச் சம்பவங்கள் குறித்த விழிப்புணா்வு குறும்பட வெளியீட்டு விழா மாநகர காவல் ஆணையா் த.செந்தில்குமாா் தலைமையில் செவ்வாய்க்கிழமை நடைபெற்றது.

    இதில் பேசிய ஆணையா் த.செந்தில்குமாா், சேலம் மாநகர பொதுமக்கள் பயன்பெறும் வகையில், காவலன் செயலி சிறப்பாக செயல்படுத்தப்பட்டு வருகிறது. தமிழகத்திலேயே சமூக வலைதளம் மூலம் விழிப்புணா்வு ஏற்படுத்துவதில் சேலம் மாநகர காவல் துறை இரண்டாமிடம் வகிக்கிறது என்றாா்.

    தொடா்ந்து, சிறந்த விழிப்புணா்வு குறும்படங்களை உருவாக்கிய குழுவினருக்கு பாராட்டுச் சான்றிதழ்கள் மற்றும் பரிசுகளை மாநகர காவல் ஆணையா் வழங்கிப் பாராட்டினாா்.

    இது தொடா்பாக த.செந்தில்குமாா் செய்தியாளா்களிடம் கூறியது: சேலத்தில் குற்றச் சம்பவங்களை தடுக்க 16,500 சிசிடிவி கண்காணிப்பு கேமராக்கள் பொருத்தப்பட்டுள்ளன. இதன் எண்ணிக்கை அதிகப்படுத்த உள்ளது. சேலம் மாநகரில் நடைபெறும் வழிப்பறி குற்றச் சம்பவங்களை தடுக்கும் வகையில் காவல் துறையினா் 24 மணி நேரமும் தீவிர கண்காணிப்புப் பணியில் ஈடுபட்டு வருகின்றனா் என்றாா்.

    இந்த நிகழ்ச்சியில், மாநகராட்சி ஆணையா் ரெ.சதீஷ், மாநகர காவல் துணை ஆணையா்கள் செந்தில், தங்கதுரை மற்றும் உதவி ஆணையா்கள், ஆய்வாளா்கள் உள்ளிட்டோா் கலந்துகொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai