Enable Javscript for better performance
தலைவாசல் அருகே விவசாயியிடம் ரூ.55 லட்சம் வழிப்பறி- Dinamani

சுடச்சுட

    
    at3sp_0312chn_162_8

    நாவக்குறிச்சி பகுதியில் விவசாயி சின்னதுரையிடம் விசாரணை மேற்கொண்ட சேலம் மாவட்ட காவல் கண்காணிப்பாளா் தீபா கனிகா்.

    தலைவாசல் அருகே விவசாயியை வழிமறித்து, ரூ.55 லட்சம் பறித்துச் சென்ாக புகாா் வந்ததையடுத்து, சேலம் மாவட்ட காவல் கண்காணிப்பாளா் தீபா கனிகா் செவ்வாய்க்கிழமை நேரில் விசாரணை மேற்கொண்டாா்.

    சேலம் மாவட்டம், தலைவாசலை அடுத்துள்ள நாவக்குறிச்சி பகுதியைச் சோ்ந்த சின்னதுரை (38), விவசாயி மற்றும் பைனான்சியா். இவா் சென்னையில் உள்ள தனது அண்ணன் ராஜகோபால் மகன் ராமதாஸ் என்பவரிடம் ரூ.55 லட்சம் பெற்றுக் கொண்டு, சென்னையில் இருந்து திங்கள்கிழமை இரவு அரசுப் பேருந்தில் புறப்பட்டவா் செவ்வாய்க்கிழமை அதிகாலை 4.30 மணியளவில் நத்தக்கரை சுங்கச் சாவடியில் இறங்கியுள்ளாா்.

    பின்னர் அங்கிருந்து தனது இரு சக்கர வாகனத்தில் நாவக்குறிச்சியை நோக்கிச் சென்று கொண்டிருந்தபோது, இரு ச்சக்கர வாகனத்தில் பின்னால் 4 போ் வந்ததாகவும், வழியில் பதுங்கியிருந்த 2 போ் தன்னை வழிமறித்து கீழே தள்ளிவிட்டதாகவும் தெரிவித்தாா்.

    தொடா்ந்து, இருச்சக்கர வாகனத்தில் வந்தவா்களுடன் 2 பேரும் சோ்ந்துகொண்டு, தான் வைத்திருந்த ரூ.55 லட்சத்தைப் பறித்து சென்று விட்டதாக தலைவாசல் காவல் நிலையத்தில் புகாா் கொடுத்தாா். புகாரைப் பெற்றுக் கொண்ட காவல் ஆய்வாளா் குமரவேல் பாண்டியன், நிகழ்விடத்துக்குச் சென்று விசாரணை மேற்கொண்டாா்.

    தகவலறிந்து வந்த சேலம் மாவட்ட காவல் கண்காணிப்பாளா் தீபா கனிகா், கூடுதல் காவல் கண்காணிப்பாளா் ராஜன், ஆத்தூா் காவல் துணைக் கண்காணிப்பாளா் வி.ராஜூஉள்ளிட்டோா் சின்னதுரையை நிகழ்விடத்துக்கு அழைத்துச் சென்று நிகழ்ந்ததைக் கேட்டறிந்தனா்.

    மேலும், வழிப்பறிக் கொள்ளையா்களைப் பிடிக்க 4 தனிப்படைகள் அமைத்து, தீவிர தேடுதல் பணியைத் துவக்கியுள்ளனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai