சுடச்சுட

    

    எடப்பாடியில் புதிய நீதிமன்றக் கட்டடம்: மாவட்ட  தலைமை நீதிபதி ஆய்வு

    By DIN  |   Published on : 13th July 2019 10:08 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    எடப்பாடி  பகுதியில்  புதிய நீதிமன்றம் அமையவுள்ள கட்டடத்தை, மாவட்ட தலைமை நீதிபதி வெள்ளிக்கிழமை நேரில் ஆய்வு செய்தார்.
    எடப்பாடி  மற்றும் அதன் சுற்றுப்புறப் பகுதி மக்கள் சிவில் மற்றும்  குற்ற வழக்குகள் தொடர்பாகவும், சட்ட உதவிகள் பெறவும் சங்ககிரி பகுதி நீதிமன்றங்களை அணுகி வந்தனர். இந்த நிலையில் இப்பகுதி பொதுமக்களின் கோரிக்கையை ஏற்று,  எடப்பாடி பகுதியில் புதிய குற்றவியல் நடுவர் நீதிமன்றம்  மற்றும் சிவில் நீதிமன்றங்கள் அமைத்திட  அண்மையில் தமிழக நீதித்துறை அனுமதி அளித்தது. இதனையடுத்து  எடப்பாடி - ஜலகண்டாபுரம் சாலையில் உள்ள  தனியார் கட்டடத்தில் புதிய நீதிமன்றம் அமைவதற்கான பணிகள் மேற்கொள்ளப்பட்டன.  நீதிமன்ற உள்கட்டமைப்புப் பணிகள் நிறைவுற்ற நிலையில், வெள்ளிக்கிழமை மாவட்ட
    குற்றவியல் முதன்மை அமர்வு தலைமை நீதிபதி குமரகுரு,  மாவட்ட குற்றவியல் நீதிமன்ற  நீதிபதி முனுசாமி ஆகியோர் புதிய நீதிமன்றக் கட்டடத்தை நேரில் ஆய்வு செய்தனர். 
    மேலும்,  வரும் ஜுலை 20-ஆம் தேதிக்கு பிறகு புதிய கட்டடத்தில் நீதிமன்றம் செயல்பட வாய்ப்புள்ளதாக சம்பந்தப்பட்ட அலுவலர்கள் தெரிவித்தனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai