முகப்பு அனைத்துப் பதிப்புகள் தருமபுரி சேலம்
சங்ககிரியில் ஆலங்கட்டி மழை
By DIN | Published On : 15th May 2019 08:55 AM | Last Updated : 15th May 2019 08:55 AM | அ+அ அ- |
சங்ககிரியில் காற்றுடன் கூடிய ஆலங்கட்டி மழை பெய்தது.
இங்கு செவ்வாய்க்கிழமை பகல் நேரத்தில் வெப்பம் அதிகரித்து வந்தது. இதையடுத்து, மாலையில் திடீரென வானம் மேகமூட்டமாக காணப்பட்டு, குளிர்ந்த காற்று வீசியது. பின்னர், காற்றுடன் கூடிய ஆலங்கட்டி மழை ஒரு மணி நேரம் பெய்தது.
இந்த நேரத்தில் மின்சாரம் தடைப்பட்டிருந்தது. தாழ்வான பகுதியில் மழைநீர் தேங்கி நின்றது. பழைய பேருந்து நிலையத்தில் காத்திருந்த பயணிகள் ஒதுங்குவதற்கு நிழற்குடை இல்லாமல் சிரமத்திற்குள்ளாகினர்.
மேலும், மழைநீருடன் கழிவுநீர் தேங்கி நின்றதால் பொதுமக்கள் அவதிக்குள்ளாகினர். இருப்பினும், இரவில் குளிர்ந்த காற்று வீசியதால், பொதுமக்கள் மகிழ்ச்சி அடைந்தனர்.
