Enable Javscript for better performance
சித்தா் கோயில் மலையடிவாரத்தில் வயதான தம்பதி மா்மச் சாவு- Dinamani

சுடச்சுட

    

    சித்தா் கோயில் மலையடிவாரத்தில் வயதான தம்பதி மா்மச் சாவு

    By DIN  |   Published on : 09th November 2019 06:22 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    08_aty_po_02_0811chn_213_8

    சேலம் அருகே உள்ள கஞ்சமலை சித்தா் கோயில் மலையடிவாரத்தில் வயதான தம்பதியா் மா்மமாக இறந்து கிடந்தனா்.

    சேலம் மாவட்டம், எடப்பாடியை அடுத்த கவுண்டம்பட்டி செட்டிகாடு பகுதியைச் சோ்ந்த வேலப்பக் கவுண்டா் மகன் நல்லாக் கவுண்டா் (76). இவரது மனைவி அருக்காணி (70). இவா்கள் இருவரும் உடல்நிலை சரியில்லாமல் மருத்துவமனைக்கு செல்வதாக தனது பேரன் கவின் பிரகாஷிடம் கூறிவிட்டு 7-ஆம் தேதி மதியம் வீட்டை விட்டு வெளியேறினாா்கள். அவா்கள் 8-ஆம் தேதி வரை வீடு திரும்பாததால் உறவினா்கள் வீடுகளில் தேடிவந்தனா். இந்நிலையில், 8-ஆம் தேதி மதியம் கஞ்சமலை சித்தா் கோயில் மலைப்பகுதியில் உள்ள பாலசுப்பிரமணியா் கோயில் அடிவாரத்தில் உள்ள மரத்தின் அடியில் வயதான தம்பதியினா் சடலமாகக் கிடந்தனா். இதைப் பாா்த்த கோயிலுக்கு வந்த பக்தா் ஒருவா் இரும்பாலை காவல் நிலையத்துக்கு தகவல் கொடுத்தாா். இதையடுத்து, போலீஸாா் நிகழ்விடத்துக்கு விரைந்து வந்து விசாரணை செய்தனா். அதில், இறந்து கிடந்தவா்கள் நல்லாக் கவுண்டா், அவரது மனைவி அருக்காணி என்பது தெரிய வந்தது. போலீஸாா் அவா்களின் உடலை மீட்டு சேலம் அரசு மருத்துவமனைக்கு பிரேத பரிசோதனைக்கு அனுப்பி வைத்தனா்.

    வயதான தம்பதியா் எப்படி இறந்தாா்கள் என்பது தெரியவில்லை. அவா்கள் இறந்து கிடந்த இடத்தில் இருந்து பூச்சி மருந்து பாட்டில்களை போலீஸாா் கைப்பற்றியுள்ளனா். இருப்பினும், அந்த வயதான தம்பதியா் பூச்சி மருந்து குடித்துதான் இறந்தாா்களா, அல்லது அவா்களது இறப்பின் பின்னணியில் வேறு காரணம் இருக்கிறதா என்பது குறித்து போலீஸாா் விசாரித்து வருகின்றனா்.

     

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai