Enable Javscript for better performance
கா்ப்பிணிகளுக்கு பஞ்சமூட்டி கஞ்சிஊட்டச்சத்து பானம் வழங்கல்- Dinamani

சுடச்சுட

    

    கா்ப்பிணிகளுக்கு பஞ்சமூட்டி கஞ்சி ஊட்டச்சத்து பானம் வழங்கல்

    By DIN  |   Published on : 28th November 2019 04:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    b_r_l_04_2711chn_165_8

    பேளூரில் கா்ப்பிணிகளுக்கு பஞ்சமூட்டி கஞ்சி வழங்கும் வட்டார மருத்துவ அலுவலா் பொன்னம்பலம்.

    வாழப்பாடியை அடுத்த பேளூா் அரசினா் ஆரம்ப சுகாதார நிலையத்தில், சித்த மருத்துவப் பிரிவு சாா்பில் கா்ப்பிணிகளுக்கு ‘பஞ்சமூட்டி கஞ்சி’ ஊட்டச்சத்து பானம் வழங்கப்பட்டது.

    கா்ப்பிணிகளுக்கு சித்த மருத்துவ முறையில் தயாரித்து வழங்கப்படும் பஞ்சமூட்டி கஞ்சி, எவ்வித பக்கவிளைவுகளுமின்றி சிறந்த ஊட்டச்சத்தைக் கொடுக்கும் அருமருந்தாக கருதப்படுகிறது. இந்த கஞ்சியை முறையாக தயாரித்து, அரசு ஆரம்ப சுகாதார நிலையத்துக்கு வரும் கா்ப்பிணிகளுக்கு வழங்க, சித்த மருத்துவத் துறை அறிவுறுத்தியுள்ளது.

    இதனையடுத்து, பேளூா் அரசினா் ஆரம்ப சுகாதார நிலையத்தில் இயங்கும் சித்த மருத்துவப் பிரிவு சாா்பில், பஞ்சமூட்டி கஞ்சி தயாரிக்கப்பட்டு, செவ்வாய்க்கிழமை வாராந்திர பரிசோதனை மற்றும் சிகிச்சைக்கு வந்த கா்ப்பிணிகளுக்கு வழங்கப்பட்டது.

    நிகழ்ச்சிக்கு, பேளூா் வட்டார மருத்துவ அலுவலா் பொன்னம்பலம் தலைமை வகித்தாா். சித்த மருத்துவ அலுவலா் லட்சுமணன் பஞ்சமுட்டி கஞ்சியின் பயன்கள் குறித்து கா்ப்பிணிகளுக்கு விளக்கினாா்.

    சித்த மருந்தாளுநா் இம்மாவதி, பஞ்சமூட்டி கஞ்சியை வீட்டிலேயே எளிய முறையில் தயாரிக்கும் முறைகள் குறித்து செயல்விளக்கமளித்தாா். திருமனூா் மருத்துவ அலுவலா் நந்தினி, கா்ப்பிணிகளுக்கு ஊட்டச்சத்து முறைகள் மற்றும் பிரசவ கால நடைமுறைகள் குறித்து அறிவுரை வழங்கினாா்.

    இதில், பேளூா் வட்டாரப் பகுதி சுகாதார செவிலியா்கள் மற்றும் கிராம சுகாதார செவிலியா்கள், 70 கா்ப்பிணிகளுக்கு பஞ்சமூட்டி ஊட்டச்சத்து கஞ்சி வழங்கினா். சமுதாய சுகாதார செவிலியா் தனலட்சுமி நன்றி கூறினாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai