Enable Javscript for better performance
அரசு மாதிரி பள்ளியில் அறிவியல் கண்காட்சி- Dinamani

சுடச்சுட

    
    வடுகப்பட்டி மாதிரி பள்ளியில் வெள்ளிக்கிழமை நடைபெற்ற அறிவியல் கண்காட்சியில் பள்ளி மாணவ, மாணவிகள் காட்சிப்படுத்தி வைத்திருந்த படைப்புகளை பாா்வையிடுகிறாா்

    வடுகப்பட்டி மாதிரி பள்ளியில் வெள்ளிக்கிழமை நடைபெற்ற அறிவியல் கண்காட்சியில் பள்ளி மாணவ, மாணவிகள் காட்சிப்படுத்தி வைத்திருந்த படைப்புகளை பாா்வையிடுகிறாா்

    சங்ககிரியை அடுத்த வடுகப்பட்டி அரசு மாதிரிப் பள்ளியில் அறிவியல் கண்காட்சி வெள்ளிக்கிழமை நடைபெற்றது.

    அரசு மாதிரிப் பள்ளியில் நடைபெற்ற அறிவியல் கண்காட்சியினை பள்ளித் தலைமையாசிரியா் எம்.அா்ச்சுணன் தலைமை வகித்து தொடக்கி வைத்தாா்.

    சூரிய ஆற்றல், நவீன விவசாயம், திடக்கழிவு மேலாண்மை, இயற்கை வள பாதுகாப்பு, தகவல் தொழில்நுட்பம், மருத்துவம், மழைநீா் சேகரிப்புத் திட்டம், டெங்கு விழிப்புணா்வு உள்ளிட்ட 150-ம் மேற்பட்ட தலைப்புகளில் மாணவ, மாணவிகள் அறிவியல் கண்டுபிடிப்புகளை காட்சிப்படுத்தி வைத்திருந்தனா்.

    சேலம் அரசு மோகன்குமாரமங்கலம் மருத்துவக் கல்லூரி துணைப் பேராசிரியா் டி.திருநாவுக்கரசு அறிவியல் கண்காட்சியினை பாா்வையிட்டு மாணவ, மாணவிகளின் அறிவியல் படைப்பாற்றலை பாராட்டியும், பரிசுகள் மற்றும் சான்றிதழ்களை வழங்கிப் பேசியது:-

    அரசுப் பள்ளியில் பயிலும் மாணவா்கள் தங்களது திறமைகளை மேலும் வளா்த்துக் கொள்ள வேண்டும். அதற்கு அரசு அளிக்கும் அனைத்து வகையான சிறப்புப் பயிற்சி வகுப்புகளில் தவறாமல் கலந்து கொண்டு படிக்க வேண்டும். தற்போது நீட் தோ்வில் கேட்கப்படும் அனைத்து வினாக்களுக்கும் தடுமாற்றமில்லாமல் விடையளிக்கத் தேவையான பயிற்சிகளை ஆரம்பத்தில் இருந்தே மேற்கொள்ள வேண்டும். அரசின் பல்வேறு பயிற்சிகள், வகுப்பாசிரியா்களின் ஆலோசனைகளையும் கேட்டு தங்களின் கவனத்தை சிதறாமல் படித்தால் நீங்களும் மருத்துவராகலாம். முயற்சிகளை இடைவிடாமல் மேற்கொள்ளுங்கள் அரசுப் பள்ளியில் படித்த மாணவா்கள் இன்று பல்வேறு துறைகளில் சிறந்தவா்களாகவும், மனித நேயம்மிக்கவா்களாகவும் உள்ளனா் என்றாா்.

    வளையசெட்டிப்பாளையம், வடுகப்பட்டி ஊராட்சி ஒன்றிய தொடக்கப் பள்ளி மாணவ, மாணவிகள்,மாதிரிப் பள்ளி பள்ளி மேலாண்மைக் குழுத் தலைவா் ஜெ.ராமசாமி, சமூக ஆா்வலா் எஸ்.அன்பழகன், பள்ளி ஆசிரியா், ஆசிரியைகள், மாணவ, மாணவிகள் மற்றும் பெற்றோா்கள் உள்ளிட்ட பலா் கண்காட்சியினை பாா்வையிட்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai